Sukarrietako jaien barruan kuadrillen arteko txapelketa antolatu dute aurten. Saria eskuratzeko, izena eman duten taldeek denetariko probak gainditu beharko dituzte gaur [abuztuak 1] eta bihar [abuztuak 2]
Busturialdeko Itaiak domekarako [abuztuak 3] jarri du hitzordua, 20:00etan, Merkurion. Gernikako Sare Feministak, bestalde, astelehenean [abuztuak 4] deitu du elkarretaratzea, 19:00etan, Merkurion.
Euskadiko Liburu Ganbarak antolatutako Liburu Azoka inauguratu dute gaur [abuztuak 1] Bermeon, eta zabalik egongo da abuztuaren 10era arte [domeka], 11:00etatik 20:00etara arteko ordutegiagaz.
Foruko Jai Batzodeak antolatutako Gazte Egunez tortilla txapelketan batu dira herritarrak. 20:00etatik aurrera Bellum, Txoriburu, Gabinet, Marte Lasarte, Kaos Etiliko eta Gorriontxu eta Laztanak girotuko dute festa.
Bedaronan herri kirol desafioa ikusteko batu dira herritarrak; Laida eta Foruan, berriz, herriko dantza taldeak izan dira protagonista. Foruarrek gainera hitzordu bikoitza dute gaur, Urdabai Dantza Taldeak eta Galizako Do Lusco o Fusco taldeak emanaldia eskainiko baitute arratsaldean.
Sare eta Etxeratek hondartzetako mobilizazioa deitu dute domekan [abuztuak 3], 'Behin betiko txanpa etxera' lelopean. Besteak beste Eako hondartzan, Ibarrangeluko Laga eta Laidan eta Mundakako Laidatxun jarri dituzte hitzorduak, 12:00etan.
Ikurriña igo eta txupinazoa botata ekin diete San Inazio jaiei Bedaronan, eta bihar [uztailak 31] gauera arte jai giroa bizi-bizirik mantentzeko prest daude Bedaruko Jai Batzordeko kideak. Bedaronan bezala, Foruan eta Laidan ere San Inazio eguna ospatuko dute bihar, egun guztiko egitarauekin.
Bermeoko Nazioarteko Musika Asteak 40. urteurrena ospatuko du aurten, abuzturaren 4tik [astelehena] 8ra [barikua] bitartean. "Kalitatea eta aniztasuna" uztartuko dituen bost kontzertuz gozatzeko aukera izango dute herritarrek.
Leire Sanchez Patiño busturiarraren lana aukeratu dute bermeotarrek aurtengo Andra Mari eta Santa Eufemia jaiak iragartzeko.
Herriko merkataritza bultzatu asmoz, Gernikako Merkatari Elkartuek Summer Market udako azoka antolatu dute, gaur [abuztuak 1], bihar eta astelehenean [abuztuak 4] Gernika-Lumoko kaleak jantziko dituena.
BBK Klimak eta Bermeo Tuna World Capitalek antolatutako jardunaldiak bisitariek "ikastea eta gure ozeanoen zaintzari buruzko hausnarketa egitea" du helburua. Azoka, dastaketak eta tailerrak egongo dira Busturiko BBK Klima parkean, etzi [abuztuak 3], 11:30etik aurrera.
Musutruk Mundaka Elkarteak Mundakako Santa Karalina baseliza zaharberritzeko kanpaina aurkeztu zuen maiatzean; geroztik, 11.341 euro bildu dituzte.
Gernika-Lumoko Azoka Berezia bakailaoan eta Errioxako ardoan oinarrituko da zapatuan [abuztuak 2]. "tokiko eta sasoiko produktuetan oinarritutako proposamen gastronomikoa" eskainiko dute Merkatu plazan, 09:00etatik aurrera.
Leire Olea gernika-lumotarra eta Eneko Bilbao kortezubitarra nagusitu dira Harri Berri Elkarteak antolatutako Busturialdeko Harri Jasotze Txapelketan.
Andra Mari eta Santa Eufemia jaiak iragarriko dituen kartel lehiaketako hiru finalistak aukeratu ditu epaimahaiak eta orain, herritarren esku dago irabazlea izendatzea. Gaurtik [uztailak 28] eguaztenera [uztailak 30] dute botoa emateko aukera.
Abuzturaren 5era [astelehena] arte jasoko dituzte alkateagaz batera udaletxeko balkoian egotea nahi duten Bermeoko talde, elkarte edo pertsonen proposamenak.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
