Datozen asteetan kontraste-espazioetan aztertuko dituzte orain arte jasotako narratibak. Eskualdean egiten ari den entzute-prozesuaren alderdi teknikoak eta metodologikoak aurkeztu dituzte Agirre Lehendakaria Centerreko kideek gaur; prozesuaren ikuspegi kualitatiboa, egitura, erabilitako tresnak eta aurreikusitako hurrengo pausoak azaldu dituzte.
36ko gerraren ondorioz euren etxeetatik joan behar izan zuten haurren historia gertutik ezagutzeko eta horien testigantzak jasotzeko bi tailer egingo dituzte astelehenean (maiatzak 26), Gernika-Lumoko Euskal Herria Museoan: 17:00etan bizirik dirauten pertsonentzako tailerra izango da, eta 19:00etakoa, ondorengoentzat. Bertaratzeko deia egin dute.
Bermeo Futbol Taldeak 75 urte beteko ditu aurten, eta ibilbidea omentzeko jaia antolatu dute ekainaren 7an [zapatua], Itxas Ganen.
Tabakoak osasunean eta ingurumenean duen eraginaz kontzientziatzeko ginkana antolatu du Minbiziaren Aurkako Elkarteak, maiatzaren 29an [eguena]. Udaleko Adikzioen Prebentzio Zerbitzuak, berriz, Zigarro bat sagar baten truke kanpaina prestatu du.
Gernika Memoriaren Lekuko plataformak izen bereko liburua argitaratu du hiru hizkuntzatan, eta bertan jaso dute orain arte egindako ibilbidearen lagin bat, baita memoriari eta memoriagintzari buruzko euren ikuspuntu eta begirada ere. Auzolanean egindako lana da.
Pedro Mari Otañoren heriotzaren mendeurrenean otu zitzaion bere herrikide Patxi Bisquerti bertsolariaren omenezko ‘Ombuaren itzala’ filma egitea. Gaur Bermeon ikusi ahal izango da.
2025eko bira hasi berri du Zazpizar erromeriak. Hainbat plaza berri eta ez hain berri izango dituzte aukeran udaldi honetan, tartean Ibilaldia, Gernika-Lumoko Andra Mari eta San Roke jaiak eta Bilboko Aste Nagusia izanik.
Uztailaren 11tik 31ra bitartean egingo da aurten Urmuga ekimen nazionala, antolatzaileen esanetan orain arteko "handiena eta bereziena" izango dena.
II. Errepublika, gerra eta errepresioa gai hartuta sei egunez ibili dira Bizkai, Araba eta Gipuzkoaren memoria historikoan erreferentziak diren lekuak bisitatzen, tartean Gernika-Lumo. Eta, udalerria Pipergorri elkartekoekin batera ezagutu dute, memoria elkartearekin harremanetan.
Lanpernak debekualdiaren eta babestutako eremu batetik ateratzeagatik ikertzen ari dira, Guardia Zibilak Izarotik irteten zebiltzala ontzia antzeman ostean.
Herritarrek ekainaren 3ra bitartean parte hartu ahal izango dute plan estrategikoaren baitan kokatu duten bigarren fase horretan.
Busturiko danborradan parte hartu gura dutenek ekainaren 13a [barikua] aurretik eman beharko dute izena, udal liburutegian. Lehen entsegua ekainaren 27rako [barikua] deitu dute.
Gernika-Lumoko Berbalagunek hilabete honetako ibilbidea prest dute; "jende berria animatzeko" ibilbidea izango da zapatuan (maiatzak 24) egingo dutena, ibilbide laua eta bi zirkularrez osatutakoa izanik. Izena emateko 600 482 010 telefonoa ahalbidetu dute.
Alluitz De Bilbao kortezubitarrak hirugarren postua lortu du kataluniarrek poltsikoratu duten Espainiako Trail Txapelketan, Euskal Selekzioagaz lehiatuz.
Gernika-Lumoko Udalak jakinarazi du 2025eko azoka berezietan parte hartu nahi dutenek izena eman dezakela dagoeneko, www.gernika-lumo.eus webgunearen bidez.
Bi kartel proposamen aurkeztu dira aurten Busturiko jaietako kartel lehiaketara, eta epaimahaiak Leire Sanchez lana aukeratu du.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
