Atharratzen hasi eta Bilboraino martxoaren 19tik 29ra bitartean egingo den Korrikari soinua eta irudia jarri diote. Pello Reparaz arduratu da musika eta letrak egiteaz, baita bideokliparen zuzendaritza ere, eta ondoan izan ditu Erramun Martikorena eta Maixux Zugarramurdi.
Emakume bat bortizki erasotua izan zen joan den astean Gernika-Lumon, eta eraso hori gaitzetsi zuten atzo (abenduak 10) Gernika-Lumoko Sare Feministako kideek: "Nazkatuta, nekatuta eta haserre gaude".
Busturialdeko Hitzak 20 urte bete dituela ospatuko dute domekan [azaroak 14], Gernika-Lumoko Pasealekuan, 12:00etatik aurrera. Biharamunean, haritza landatuko dute Bermeon.
"Gogotsu eta prest" ageri dira Bizkaiko Bertsolari Txapelketako zortzi finalistak. Busturialdeko ordezkaritza oholtzaratuko da: Onintza Enbeita Maguregi muxikarra eta Aitor Etxebarrizarraga Gabiola gernika-lumotarra. Garaileari txapela jantziko dion Arantza Plazak egiteko hori "opari ederra" dela nabarmendu du.
Sprilurrek eta Busturialdeko Industrialdeak Muxikako Udalarekin sinatu dute hitzarmena. Akordio horri esker, Bizkaiko industriaalderik handiena izango denaren urbanizazio eta sarbide lanak hurrengo bost urteetan garatuta egon daitezkeela diote, 2030etik aurrera enpresak hartzeko moduan izateko.
Eleizalde Ikastolako, Sagrado Corazon ikastetxeko eta Bermeoko Institutuko DBHko 1. eta 2. mailako 14 ikaslek osatuko dute lehenengo gazte kontseilua, eta ikasturtean zehar, Gazteleku berriaren espazio eta erabilerari buruzko erabakietan parte hartuko dute.
Biharko [abenduak 11] greba deitu dute Ikasleria Martxaneko kideek, Hego Euskal Herriko hiriburuetako kaleak hezkuntzan dagoen euskararen larrialdi egoeraren kontrako aldarriz betetzeko asmoz. Bilbon, 12:00etan jarri dute hitzordua, Arriagatik. Bermeoko eta Gernika-Lumoko Ikamak, horreri eutsiz, bateratzeak antolatu ditu Busturialdeko tren geltokietan.
Alex Goitiak eta Unai Lekerikak 2 eta 0 irabazi diete Ludovic Ladutxeri eta Jon 'Bullet' Zabalari. Garaileak finalaurrekoen ligaxkara sailkatu dira, Johan eta Gorka Sorozabal anaiekin batera. Galtzaileak eta Aritz Erkiaga nahiz Ion Ibarluzea, ostera, kanpoan dira.
'Landatu zuhaitz bat: aldatu zure aztarna' landaketa bihar [zapatua] egingo dute, 09:45etik 13:45era, Paresin.
Bizkaiko 30 udalerritan —aurrerago zehaztuko dituzte— aurrera eroango dute 'A ze marroia' ekimena. Kanpaina horrekin herritarrak edukiontzi marroiko gaikako bilketaz kontzientziatzea bilatuko dute.
Eusko Jaurlaritzak Euskadiko Kirol Portuak erakundeari eginiko transferentzia horri esker, portuaren eta udalerriaren "benetako beharretara egokitutako kudeaketa hurbilagoa eta arinagoa" bermatu gura dute.
Dantza espresio ugarik daukate lekua Ross Dantza Eskolan, baita hainbat kirol jarduerek ere, adin tarte guztiei zabalik, eta ordutegi malguan. Bermeon zein Gernika-Lumon hezten ditu ikasleak dantzan, eta hala jarraitu gura du, herriak dantzan jartzen.
Liburutegiko erabiltzaileen beharrei erantzuteko asmoz, liburutegiak egutegi berezia izango du abenduaren eta urtarrilaren artean: abenduaren 13tik otsailaren 1era arte, zapatuetan eta domeketan zabalik egongo da, 10:00etatik 20:00etara eta 10:00etatik 14:00etara artean, hurrenez hurren.
Gerediaga elkarteak eskatuta, Durangoko Azokaren parte diren sortzaileak, eragileak eta bisitariak aztertu ditu Siadecok. Iaz egin zituzten inkestak eta aurten aurkeztu dituzte emaitzak, eta ikerketak berretsi egiten du Durangoko Azokak euskarazko kultur sorkuntza bultzatzeko duen garrantzia.
Nabarniz, Mendata eta Arratzuko herritarren topagune bihurtuko da etzi [abenduak 7] Arrolako gaineko harria, II. Herri-batze martxa egingo baitute.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
