Dantzaz eta kolorez zipriztindu dituzte Bermeoko kaleak

Euriari aurre eginez eta aratusteetako ohiturari jarraipena emateko ilusioz, Alkartasuna Dantza Taldekoek Lantzeko Inauteriak atera dituzte kalera. Dantza taldearen 50. urteurrena tarteko, jai giroa gauera arte luzatuko dute.

"Aldarrikapenerako eguna" izango den Aberri Egunean parte hartzeko deia zabaldu dute

Jardun Koordinadorak Gernika-Lumon ospatuko du Aberri Eguna beste behin, apirilaren 5ean [domeka]. "Euskal Herri Langilearen proiektu politikoa plazaratzeko eguna" izango dela zehaztu dute.

Itzulia Basque Country Busturialdetik igaroko da

Itzulia Basque Country lasterketaren laugarren etapak Busturialdea zeharkatuko du, apirilaren 9an.

Mundakako aratusteetako pertsonaia errotuenei aitortza

'Mundakako Atorrak' plazaratu dute, Atorren eta mundakarren bilakabidea laburbiltzen duen liburuaz eta albumaz osatutako proiektua.

Irudimena aske uzteko orduari heltzeko prest daude

Mozorroak janzteko ordua ailegatu da Busturialdean. Hala, negua atzean uzteko eta udaberriari ongietorria emateko prest daude han eta hemen, gaur hasi eta datorren asteburura arteko egitarauak prestatuz.

Jon Azkueta — Idazlea

"Bermeok duen xarma berezia hitzez islatu nahi nuen eleberrian"

Izatez usansolotarra den arren, Bermeon bizi da Jon Azkueta idazlea, eta hori oinarritzat hartuz idatzi du bere azken eleberria. Izan ere, Bermeon girotutako thrillerrak amodioa eta misterioa uztartzen ditu, eta urtarrilean kaleratu zuela kontuan izanik, orain arteko harreragaz "pozik" agertu da.

epaitegia

Bikotekidea hiltzea egotzita atxilotutako emakumea behin-behinean aske utzi du epaileak

Atzo atxilotu zuten, Gernika-Lumon, 2025eko azaroan senarra hiltzea leporatuta. Emakumea epaitegian agertu beharko da.

Hamarretik ia zortzi haur euskaraz ari dira Urretxindorrako jolasgaraian

Hizkuntzaren erabileraren neurketa egin zuten abenduan Muxikako Urretxindorra eskolan, 82 elkarrizketa behatuz eta 303 solaskideren hizkuntza erabilera jasoz. Elkarrizketen %77,2 euskaraz izan ziren, baina, datuak mailaz maila aztertuz gero, desberdintasun handiak antzeman daitezke.

Gazteek emakume zientzialariak erreferente izan ditzaten

Emakume eta Neska Zientzialarien Nazioarteko Eguna emakume zientzialariekin mahainguruan batzeko baliatu zuen Leartibai Fundazioak eta Maite Telletxea gernika-lumotarra izan zen hizlarietako bat. Barrutialde BHI eta Bermeo BHI institutuek ere parte hartu zuten topaketan.

I+G+Bko jardueretan aritzen diren emakumeen ehunekoa %35 da

Zientziaren arloko Emakumearen Nazioarteko Eguna da gaur, eta emakumeek komunitate zientifikoan eta teknologian duten "funtsezko zeregina" bultzatzeko beharra plazaratu dute Eusko Jaurlaritzak eta Osakidetzak. Izan ere, Jaurlaritzaren arabera, txikia izaten jarraitzen du ikerketa-taldeen buru diren emakumeen kopuruak.

Gehiago