Xabier Barandika gernika-lumotarrak eta Imanol Lopez zumaiarrak bigarren urtez jarraian poltsikoratu dute Jai Alai Ligaren gizonezkoen Lauko Finala. Emakumezkoen finalean, Elaia Gogenola eta Maia Goikoetxea bikote berriatuarra nagusitu da.
Domekan (urriak 5), Hegaztien Munduko Eguna ospatuko dute Urdaibai Bird Centerren, eta horretarako zentroko sarrera doakoa izango da, eta eraztunketa zientifikoak zertan datzan ezagutuko dute gerturatzen direnek.
Pedro Elejalde eta Iñigo Lopez de Haro kaleen arteko zatia da inauguratu eta zabaldu dutena. Iñigo Lopez de Haro eta Carlos Gangoiti batzen dituen arrapala mekanikoaren zatia, aldiz, aurrera doa, eta urtea amaitu aurretik zabaltzea aurreikusi dute.
Eusko Jaurlaritzak amarralekuak emateko prozedura eta horiek erabiltzeko kontzesioen araubidea arautzen duen agindua berrikusi eta eguneratu nahi du eta horretarako, interes taldeekin batuko dira. Bizkaiko erabiltzaileekin urriaren 11 eta 25ean egingo dituzte bilerak, Gernikako Elkartegian.
Lointek Gernika Bizkaiak 2025/2026 denboraldia aurkeztu du gaur [irailak 29] Malosten. Asteburuan Euskal Kopan garaipen handia lortu dute, eta zapatuan [urriak 4] Emakumezkoen Endesa Liga abiatuko dute, Malosten; Movistar Estudiantes edukiko dute aurrez aurre, 18:30etik aurrera.
Gernika Rugby Taldeak 34 eta 16 irabazi du Valencia Rugby Taldearen aurkako neurketa. Partidua "nahiko txarto" hasi arren, aurkarien akatsak aprobetxatuz puntuak poltsikoratuz lortu dute denboraldiko bigarren garaipena. Asteburuan ere Urbietan jokatuko dute, Complutense Cisneros Zetaren kontra.
Udako Master Laboral Kutxa Txapelketa irabazi zuten atzo (irailak 28) Aizane Ibarrolak eta Enara Gamindek Olatz Arrizabalagaren eta Arrate Bergararen aurka. 22-7ko markagailuagaz nagusitu ziren Bermeoko Artza pilotalekuan, euren legea ezarriz.
Tokiko Energia Komunitatea sortuta, etorkizun "jasangarriago eta parte hartzaileago" baterazko urratsak ematen ari da Sukarrieta.
Astelehenetik (urriaren 6) barikura (urriak 10) bitartean, 17:00etatik 19:00etara arteko ordutegian, sare sozialetan pribatutasuna lortzeko prestakuntza jasoko dute ikastarora animatzen direnek.
Bero boladei eta klima aldaketaren beste ondorio batzuei aurre egiteko babesguneak sortzeko prozesu parte hartzailea zabaldu du udalak biharko; 18:00etan, kultur etxeko lehen solairuko gelan jarri dute hitzordua.
Fashion Revolution nazioarteko mugimenduaren baitan kokatutako ekitaldi bati esker, tokiko gastronomiaren, eskualdeko txakolinaren eta moda jasangarriaren topagune izan zen zapatuan (irailak 27) BBK Klima.
Aitor Bizkarrak irabazi du Urdulizen atzo (irailak 28) jokatutako Bizkaiko Bertsolari Txapelketako lehen kanporaketa, eta hirugarren, laugarren eta bosgarren izan ziren, hurrenez hurren, Mikel Retolaza Etxebarria, Koldo Gezuraga Seijido eta Garazi Navarro Ugarteburu. Lekeition lehiatuko dute bigarren kanporaketa, zapatuan (urriak 4).
Urdaibairen bihotzean gordeta eta historia darion kokaleku berezian, Gaztelu Maitea Jatetxeak errezeta tradizionalak itxura gaurkotuagaz eskaintzen ditu.
Bermeoko Udalak Andra Mari eta Santa Eufemia jaien balorazio positiboa egin du, euri tarteak egon arren jarduera guztiak aurrera eraman ahal izan zituztela nabarmenduta.
Iturbe Anaiak ez dira soilik harakinak. Arrietako ekoizle familia dira, abereak modu jasangarrian zaintzen dituztenak, eta egunero euren bi harategietan kalitatezko haragia eskaintzen dutenak. Haien lana ez da industriala, ez da “makroa”. Gertukoa da.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
