EAJ-PNVren aldeko botoekin onartu dituzte 2023ko Bermeoko udal-aurrekontuak, eta EH Bilduk eta Guzanek kontrako bozkatu dute, gaur goizeko osoko bilkuran. Aritz Abaroa Bermeoko alkateak azpimarratu du "bermeotarren bizi kalitatea hobetzeko, herriko jarduera ekonomikoa sustatzeko eta bermeotarron nortasuna balioan jartzeko" bideratutako aurrekontua dela, eta "2022koagaz alderatuta, %10,65 hazkundea" dagoela.
EH Bilduko zinegotziek adierazi dute gobernu eredu "oso desberdin" batean sinesten dutela. Guzanek udal aurrekontuaren proiektuari ezetza eman dio "herriko ekonomiaren kalterako delako". Oposizioko bi alderdiek "propaganda hutsa" egitea leporatu diote udal gobernuari, eta herritarrei ez zaiela informaziorik helarazten salatu dute.
Grupo Intxausti-Gernika Rugby Taldeak 20-23 galdu du, Ampo Ordiziaren kontra, Urbietan jokaturiko Ohorezko Mailako partidua.
Lointek Gernika Bizkaiak 59-63 galdu du Casademont Zaragozaren kontra, Malosten, Emakumezkoen Endesa Ligako hamabigarren jardunaldian. Partidu berdindua izan arren, azkenean zaragozarrek lortu dute garaipena. Gernika-Lumotarren aurtengo ligan Malosten jaso duten lehen porrota da.
Mundakarren egungo zein etorkizuneko kezka nagusiak batzea helburu duen prozesu parte-hartzailearen barruan, kale-inkestak egingo dituzte bihar (abenduak 20). Online bidez ere bete daiteke galdetegia. Profil desberdina duten pertsonengana iritsi nahi du udalak, "aniztasuna jasota geratu, eta jende guztia ordezkatua sentitu dadin".
Gernikako Marijesiek aurtengo lehenengo lau errondak egin dituzte jadanik. Gaurtik bihar bitarteko goizaldean, doinu aldaketa egingo dute, eta Errenteriara joango dira abestera.
Familiak, lagun taldeak, bikoteak eta abar batu ditu Goi Zale Mendi Taldearen abenduko irteerak; Iluntzarrera igo dira, Gabonetako jaiotza gailurrean jartzera. 92 lagun elkartu ditu mendi ibilaldiak.
Xabier Barandikak ezin izan du Jean Dominique Olharanegaz, Berriatuko banakako zesta-punta txapelketan. Paubetarrak 2-1 irabazi dio gernika-lumotarrari, eta finalaurrekoetara igaro da.
5.000 euroko laguntza sei talderen artean banatu dute: Tooth, The Riff Truckers, Blaster, Inner, Ziraun eta Agur taldeen artean.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
