Aurten, bigarren gaztarik onena ez da enkantera atera; Agiñigako Larrabek eroan du bigarren saria.
Kirol taldeek "ilusioa eta errespetua" bermatzen dituztela adierazi du alkateak, eta balio horiek herriko txikiei irakasten dizkietela gehitu du: "Jarraitu dezatela horrela, betiko ilusio eta errespetuagaz".
Goizetik hurbildu dira baserritarrak udalerrira, 09:00etarako prest izan baitituzte 293 postuak. Goizetik, herritarren joan-etorria etengabekoa izan da, eta 15:00ak bitartean, zer saldu eta zer erosi izan dute azokan bildutakoek. Salmentak "ondo" joan direla nabarmendu dute ekoizleek.
Unai Lekerikak Iñaki Osa Goikoetxeagaz batera jokatu du Munduko Txapelketako finala, Miarritzen, baina ezin izan du garaipena lortu Aritz Erkiagaren eta Imanol Lopezen kontra; 2-1 galdu dute finala.
Lointek Gernika Bizkaiak Spar Gironaren kontrako partidua galdu du Fontajaun. Lehen minutuetan maila handia erakutsi arren, Gironak partiduari buelta eman zion, eta Lointek 65-49ko markagailuagaz menderatu du. Hurrengo partidua Malosten jokatuko du Lointekek; EuroCup Women txapelketaren barruan. Umana Reyer Venezia taldea hartuko dute.
Oihana Iguaranek irabazi du Bertsolari Txapelketa Nagusiaren bigarren finalaurrekoa, Donibane Garazin, eta, beraz, zuzenean sailkatu da finalaurrekoen bigarren itzulira.
09:00etan zabaldu dute urriko azoka nagusia, eta 15:00ak bitartean izango da zer saldu eta zer erosi Gernika-Lumon. Bertaratutakoek hamaika postu ikusteko eta dastatzeko aukera dute gaur, eta jende mugimendua nabaria da lehen orduetatik. Taloa edo bestelako pintxoak prestatzen ere badabiltza dagoeneko txosnetako kideak. Guztira, 293 postu jarri dituzte udalerriko kaleetan zehar.
57 paella eta ia 700 lagun elkartu dira Astelehentxutxun. Lagun arteko aldartea eta jai giroa nabarmendu dira goizetik hasita. Arratsaldean ere bide beretik egingo du egunak: briska, mus eta Beer-pong txapelketak egingo dituzte, Astrako aparkalekuan egingo diren musika emanaldietara joan orduko. Antolatzaileek egunaren balorazio "bikaina" egin dute, eta belaunaldi berrien esku hartzea nabarmendu.
Arantza Tapia Ekonomiaren Garapen, Jasangarritasun eta Ingurumen Sailburuak Gernika-Lumoko Urriko Azken Asteleheneko azoka bisitatu du, eta Jaurlaritzaren asmoa dela lehengaien hornidura bermatzea adierazi du.
'Ermitak busturiarren alkargune eta aterpe' izeneko dokumentala aurkeztu zuen Labayruk udalerrian, eta aretoa jendez bete zen.
Maialen Lujanbio, Unai Iturriaga, Nerea Ibarzabal, Alaia Martin, Sustrai Colina eta Koldo Gezuraga igoko dira Gernika-Lumoko Lizeo Antzokiko oholtzara. Domekan, 18:00etan hasiko da saioa.
Lurgorriko eta Institutuko tren geltokietako zerbitzua gauez ere bermatzeko eskatu die Itaiak Euskotreni eta udalari. Ez dute erantzunik jaso, eta agerraldia egingo dute domekan, 17:00etan, udaletxe aurrean.
Kazetari elantxobetarraren berehalako askatasuna exijitzen duen adierazpen instituzionala aho batez onartu du Ibarrangeluko Udalak. Dokumentuaren bidez, udalak behin-behineko espetxealdia "neurriz kanpo" erabiltzearen ondorioz kazetaria jasaten ari den egoerarekiko kezka agertu du.
Burdinbidearen Euskal Museoa bisitatuko dute, lehenengo, eta lurrunezko trenean ibiliko dira, gero.
Maitane Sarraldek Desanuda ikuskizuna eskainiko du zapatuan (urriak 29), 13:00etatik aurrera, Europako Herrien Parkean, doan.
46. Eibar-Nabarniz mendi ibilaldia egingo dute zapatuan. 29 kilometro inguruko ibilbidea egingo dute, Eibar eta Nabarniz artean. Ostean, bazkaria egingo dute.
Musika egitasmoak bultzatzeko asmoz zabaldu dute diru laguntzen deialdia, eta azaroaren 11 da eskabideak aurkezteko azken eguna.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
