Pixka bat hemendik, pixka bat handik
Elektrokutatuta hiltzen diren hegaztien kantitatea uste baino handiagoa da, horregatik puntu askotan sistema bereziak jartzen dira hau ekiditeko. Hala ere, asko dira elektrokutatzen direnak. Baina zer nahaigo duzu zure etxean argi indarra eduki (eta Wifia noski) edo hegazti gutxiago hil daitezen elektrokutatuta?
Argi dago, lehen aukera. Argi indarrarekin (eta batez ere wifiarekin) ez da jolasten. Egia esan ez da erreza gauza bien arteko oreka bat mantentzea. Eremu batzuetan ezin da gehiegizko kontserbaziorantz jo, aktibitate batzuen garapena ere eman behar delako. Industria, enpresak, aktibitate ekonomikoak, erregaien garapena… guzti hori ere egin behar da gizarteak demandatzen du eta.
Bestalde, ez ahaztu oreka bat dela horrek esan nahi du ezin dela batetik bestetik baino gehiago egin, eskutik joan behar dira.
Duela gutxi irakurri dut berri interesgarri bat Argentinan gertatutakoaz. Badirudi glaziarren inguruko legea aldatu berri dutela meatzaritza sustatzeko asmoz, legea flexibleagoa da orain.
Zein da arazoa? Ingurune horietan glaziar uren oso mendekotasun handia daukatela egunerokotasuneko ur kontsumorako. Zer da garrantzitsuagoa orduan, egunerokotasuneko uraren kalitatea ona izatea edo ekonomia sustatzea?
Ekonomiari bakarrik garrantzia emanda urik gabe geratu daitezke, baina bai, ekonomia ere garrantzitsua da herrialde horien garapenerako. Ez da erabaki erraza baina argi dago bi gauzen arteko oreka mantendu beharko dutela.
Hemen zorionez urarekin ez daukagu arazorik eta hegaztiak elektrokutatuta hiltzea ez zaigu horren grabea iruditzen oraindik. Baina oreka hau apurtuz gero zerbait izango da, zer izan daiteken ez dakit baina zerbait seguru.
