Hizkuntzaren erabileraren neurketa egin zuten abenduan Muxikako Urretxindorra eskolan, 82 elkarrizketa behatuz eta 303 solaskideren hizkuntza erabilera jasoz. Elkarrizketen %77,2 euskaraz izan ziren, baina, datuak mailaz maila aztertuz gero, desberdintasun handiak antzeman daitezke.
Martxoaren 2a izango da Euskarabenturara izena emateko epemuga, eta hautatuen zerrenda apirilaren 22an plazaratuko dute.
Parte hartu gura dutenek martxoaren 10era arteko epea dute, proposamenak bidaltzeko. Garailea martxoaren 24an aurkeztuko dute.
Bermeoko Etxalak, Gernika-Lumoko Mobidu eta Usurbilgo Aztarrika taldeetako kideak Euskal Herrian Euskarazek antolatutako TindEHEr ekimenaren azken zitaren testigu izan ziren, eskualdea euskararen arnasgune izan daitekeela frogatzeko helburuz, Bermeon "giro itzela" sortuz.
Mobidu eta Etxalak talde euskaltzaleek Usurbilgo Aztarrika taldeagaz ‘matx’ egingo dute bihar, gazteak euskaratik eta euskaraz batzea helburu duen TindEHEr egitasmoaren egun osoko topaketan.
Euskararen aldeko ekimena Busturialdeko hainbat herritatik igaroko da martxoaren 26an. 01:20 aldera ailegatuko da Eara, eta 03:07an sartuko da lekukoa Gernika-Lumon; Bermeora, berriz, 04:57an ailegatuko da, handik ateratzeko.
Muxikako Udalak goi maila egiaztatu zuen Bikain ereduaren arabera egindako kanpo ebaluazioan, izan ere, ebaluazioak erakundearen jardueran eta kudeaketan euskarak duen garapen maila neurtu zuen.
Duela hogei urte, Busturialdeko herrietako eguneroko errealitatea euskaraz kontatzeko ametsak forma hartu zuen: Busturialdeko Hitza errealitate bihurtu zuten euskaltzaleek. Herrigintzatik sortu zen, eta komunitatearen babesari esker hazi da, Busturialdeko Hitza eskualdeko ahotsa bihurtuz, hurbileko informazioa eskuz esku zabalduz. Urteurren biribilak atzera begiratzeko ez ezik, egindako bidea aldarrikatzeko eta etorkizunari begira erronkak mahai gainean jartzeko balio izan du.
Hemeretzi pertsona bildu dira gaur (otsailak 10) Gernika-Lumoko Berbalagunek antolatutako ikasturteko lehen Mintzodromoan, eta mintzataldeetan banatuta, denetariko gaiak jorratu dituzte.
Euskara sustatzea helburu daukan Ezetz Jakin lehiaketan 107 lagunek parte hartu dute urtarrilean, eta, horien artean Goizalde Gezuragak jaso du saria. Dagoeneko martxan dago otsaileko galdetegia.
Javier Goitia eta Jon Goitia ikerlari bermeotarrek 'Euskararen Jatorria' berbaldia eskainiko dute etzi [otsailak 5], 19:00etan, Gizarte eta Kultura Etxean.
Gernika-Lumoko Berbalagunak "erantzun bikaina" izan zuen garagardo dastaketan elkartu ziren atzo (urtarrilak 29) Elai-Alai areto txikian, euskaraz praktikatzeko.
'Ziztu bizian, euskaraz! - Korrikaren erritmoan' tailerra antolatu du Berbalagunek: Bermeon urtarrilaren 29an [eguena] jarri dute hitzordua eta Busturian, urtarrilaren 30ean [barikua]. Izena eman beharko da.
Euskara sustatzea helburu daukan Ezetz Jakin lehiaketan 70 lagunek parte hartu dute abenduan, eta, horien artean Maribi Garciak irabazi du. Dagoeneko martxan dago urtarrileko proba.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
