Gazte bat atxilotu dute, talde eraso batean parte hartu eta lapurreta egiteagatik
Ertzaintzako agenteek, Bermeoko Udaltzaingoarekin elkarlanean, 20 urteko gazte bat atxilotu zuten herenegun [maiatzak 24], 19 et 21 urteko gazteen kontrako taldean egindako eraso batean parte hartu eta lapurreta egitea leporatuta. Beste hiru gazte ere identifikatu zituzten, “ustez egitateetan parte hartu izanagatik”.
Segurtasun Sailetik jakinarazi dutenez, domekako 07:30 aldera Gernikako Ertzain-Etxeak Bermeoko Alde Zaharrean gazte talde batek bi gazte erasotu zituenaren berri izan zuen, eta bertaratu egin ziren. Bertan, agenteek biktimak artatu zituzten; gorputzean zauriak zituztela eta, erasotuek mediku zerbitzuen laguntza jaso behar izan zuten.
Biktimen testigantzak entzun ostean, agenteek ingurua miatu zuten eta deskribatutako ezaugarriekin bat zetorren “susmagarrietako bat” identifikatu zuten, eta gizonezkoak erasotuetako bati lapurtutako erlojua zeraman. Ertzaintzako ageentek erlojua kendu eta jabeari itzulio zioten.
Susmagarriaren identifikazioa egitean agenteek errikisitoria judizial batengatik atxilotze agindua zuela egiaztatu zuten, eta polizia-etxera eraman zuten beharrezko izapideak egitera. Jakinarazi dutenez, 20 urteko gazteak “polizia aurrekari ugari” ditu, eta atzo [maiatzak 25] eraman zuten epailearen aurrera.
