
Etxean geratu da Bizkaiko Zaldi Proba txapelketako garaikurra: Jatetxe Nabarnizek irabazi du Bizkaiko txapelketa, herritarren aurrean. Txori izan da Bizkaiko Kinttopekoen lehiaketako txapelduna.

Olharan-Del Rio eta Erik-Bailo bikoteen arteko partidua lehenengo jokoaren 8 eta 7eko emaitzagaz eten eta atzeratu egin dute. Datorren astelehenean (urtarrilak 22) berrekingo diote partiduari, eta, beraz, bi partidu jokatuko dituzte egun horretan, 11. jardunaldiari eta 12. jardunaldiari dagozkionak.

Sei urte bete ditu pentsiodunen mugimenduak, eta lortzeko dituzten aldarrikapenak lortu arte borrokan jarraituko dutela adierazi dute Busturialdeko pentsiodunek gaur.

Grupo Intxausti-Gernika Rugby Taldeak 47-26ko markagailuagaz irabazi dio La Unica Rugby Taldeari, etxeko ikusleen aurrean, Ohorezko B Mailako 11. jardunaldiko partiduan.

Aurrelari gernikarraren helburua da hirugarren txapela jarraian irabaztea. Itxaso Erasun atzelari zizurkildarrarekin bikotea osatuta, urtarrilaren 28an hasiko du Binakako Txapelketa, Ania Oronoz eta Marie Goienetxe saratarren kontra. Bestalde, Bizkaia Torneoaren finalaurrekoan, Arrizabalagak eta Mendizabalek 18 eta 22 galdu dute Aldairen eta Capellanen kontra.

Historia eta kirola uztartuz, Gernikaren eta Lumoren arteko batasuna gogoratu zuten atzo [urtarrilak 14], Gernikazarra Historia Taldekoek.

Uholdeekin izaten dituzten arazoiei konponbidea ematea da udalaren helburua. Ia 900 metro karratuko espazio berdea sortuko dute.

Zapatuan [urtarrilak 13] Bermeoko emakume batek osasun laguntza eskatu zuen. Sabotajeengatik atzerapenak izan ziren anbulantzietan, eta emakumea hil egin zen. Ertzaintzak ikerketa bat jarri du abian emakume horren heriotzaren inguruan, presako garraio sareko bi anbulantziek sabotajeak jasan zituztela egiaztatu ostean.

Dozenaka milaka euskal herritar elkartu dira Bilbon, Sare Herritarrak deitu duen manifestazioan. Euskal presoen egoerari konponbidea emateko "giltzak" aldarrikatu dituzte.