
Busturialdeko EH Bilduko alkate eta zinegotziek EAJri "zorroztasun eta seriotasun gehiago" eskatu diote, eta, era berean, elkarrizketarako eta akordioetarako eskua luzatu diote: "Eskualdekoak etorkizun ekonomiko eta soziala markatuko duen proiektu estrategikoak behar ditu, eta horiek eskualdeko erakunde, eragile eta jendearekin adostuz aurrera atera behar dira".

Ehunka lagun elkartu dira gaur Gernika-Lumoko Bertso Egunean. Garriko bertso eskolari aipamena eginez eta bertso eskolen lana azpimarratuz hasi dute eguna. Gero, 200 lagun inguru elkartu dira Astran, bazkaltzeko. Arratsaldean, bertso saioan elkartuko dira, eta DJ Bullekin agurtuko dute eguna.

Bermeo eta Bakio lotzen dituen linea berrezarri eta Bermeotik Bilbora doanaren maiztasuna handitzea eskatu dute. Herritarrentzat irisgarria den garraio publiko zerbitzua bultzatu nahi du udalak.

Udalbaltzak larrialdi zerbitzuak bermatzeko beharrezkoa den pertsonala kontratatzeko, langileen ordezkapenak egiteko eta gaueko farmazia zerbitzua berrezartzeko eskaera helarazi dio Osasun Sailari.

San Polikarpo egunez, herriko jai nagusiak ospatzen ari dira, gaur [urtarrilak 26], Gautegiz Arteagan. Meza santua, euskal dantzen ikuskizuna eta kalejira egin dituzte eguerdian. Arratsaldean eta asteburuan ere, zer egin eta zertaz gozatu ez da faltako jaietan.

Nestor Basterretxea XX. mendeko euskal artista esanguratsuenetako baten "ondarearen zabaltasuna eta sakontasuna" balioan jarriko dute aurten, baita bermeotarraren konpromiso soziala eta Euskal Herriko iruditeria kolektiboari egin dion ekarpena ere. Denetariko jarduerak prestatu dituzte urteurrenerako, tartean Bermeon.

Erdi Arotik propultsio mekanikoa sortu arteko garaira bitartekoak liburu batean bildu ditu Astuik. Arrantzaleen Museoaren 75. urtemugaren agenda barruan aurkeztu du lana.

Bide-segurtasunaren eta gidatze arduratsuaren garrantziaz ohartarazteko asmoz sortu zen ‘Don´t be Dummy - Zuk ez duzu ordezkorik’ kanpaina.

ADES espeleologia taldeak ‘Esploratu Urdaibaiko lur azpia’ erakusketa jarri du Artekalen, eskualdean aurki daitezkeen karstak azaleratzen dituena. Ezezaguna den mundu bat bistaratzea bilatu dute.

"Helburu orokorra lankidetzaren eta dibertsioaren bidez, jasangarritasunaren aldeko ohiturak ezagutzea eta aurkitzea da", azaldu dute.

Itsasoa, arrantza, elikadura, egurra eta energia sustatzeko helburua daukan ekintzaileentzako programa berri bat jarri dute martxan. Interesatuek otsailaren 29ra arteko epea dute U-BAI eta BerriUPen webguneetan izena emateko.

Herritarren partaidetzaren garrantzia azpimarratu dute. BH enpresa euskaldunaren makinak jarri dituzte, "gama ertainekoak".

Mintzataldeez gain, irteerak ere egiten dituzte Berbalagunek hileko azken zapatuetan, eta oraingoan, Guggenheimen lorratzak izango dituzte aztergai. Urtarrileko Ezetz Jakin lehiaketan ere parte hartzeko aukera dago.

Gaztelekuan egondako "jarrera desegokiek" behartu dute udal gobernu taldea erabaki hori hartzera.

Bermeotarrak Geuretik Sortuak proiektuaren inguruan landutako ‘Eukalyptus’ antzezlana estreinatuko du gaur [urtarrilak 19], 19:00etan, Aulestiko udal areto nagusian.

Dagoeneko 30 helduk izena eman dute, baina hori egiteko aukera zabalik dago oraindik.