Palestinari elkartasuna adierazi diote Nabarnizen
Palestinaren eta Israelen arteko gerraren amaiera eskatzeko asmoz, nabarniztarrak elkarretaratzean bildu ziren domekan [azaroak 12].
Palestinaren aldeko eta gerraren aurkako elkartasun olatua Nabarnizera ere ailegatu da. Berehalako su etena eta herritar zibilen bizitzak zein segurtasuna errespetatuak izateko aldarria entzun da asteotan Euskal Herrian egin dituzten manifestazioetan, baita domekan [azaroak 12] Nabarnizen egindako elkarretaratzean ere. Gernika-Palestina herri ekimenagaz bat egin zuten herritarrek, eta Israel palestinar herriaren aurka egiten ari den genozidioa salatu zuten.
