Mundakako gizonezkoen senior taldeak Bizkaiko Batel Liga irabazi du
Asteburuan Legution erabaki da 2022ko Bizkaiko Batel Liga, eta Mundaka gizonezkoen absolutu kategorian nagusitu da, 62 puntugaz.
Alde nabarmenagaz lortu du liga garaipena klub mundakarrak; Lutxana geratu da bigarren postuan, 37 puntugaz eta Lutxanak puntu bat gutxiago bildu du batel denboraldian. Kaiku A sailkatu da hirugarren, 36 puntugaz eta Bermeo laugarren, 35 puntugaz. Elantxobek hamabigarren amaitu du liga 7 puntugaz.
Emakumeetan, berriz, Mundaka A eta B laugarren eta bosgarren sailkatu dira, 57 eta 38 puntugaz, hurrenez hurren. Elantxobe zazpigarren geratu da, 24 puntugaz. Seniorretan, Kaiku izan da emakumezkoetan onena, 61 puntugaz, eta hiru puntu atera dizkio Deusto A bigarren sailkatuari. Hirugarren Isuntzak amaitu du, 57 puntugaz.
Gazte mailan, nesketan ez da eskualdeko ordezkaririk egon, eta mutiletan bermeotarrak lehiatu dira. Bederatzigarren sailkatu dira, 41 puntugaz. Itsasoko Ama A eta C sailkatu dira lehenengo bi postuetan, 95 eta 89 puntugaz, hurrenez hurren, eta Ondarru Ak amaitu du hirugarren postuan, 73 puntugaz.
Kadeteetan, Elantxobeko nesken taldea bederatzigarren sailkatu da, 43 puntugaz. Deusto C izan da puntu gehien batu dituena batel jardunaldietan, 148 puntu, hain zuzen ere. Isuntza A bigarren (138 puntu) eta Zierbena A hirugarren (134 puntu) geratu dira. Mutilen sailkapenean, Mundaka zortzigarren (100 puntu), Bermeo hamaikagarren (74 puntu) eta Elantxobe hamabigarren (52 puntu) sailkatu dira.
Alebinen mailan, Mundaka laugarren sailkatu da nesketan zein mutiletan, eta azken horien sailkapenean bosgarren postuan sailkatu da beste taldea. Elantxobe nesketan bosgarren eta mutiletan seigarren geratu da. Nesken sailkapenean Ondarru A izan da puntu gehien lortu ditue93. Isuntza (80 puntu) eta Ondarru Bren (77 puntu) atzetik, Mundakak 72 puntu bildu ditu, eta Elantxobek 56 puntu. Mutiletan, 77 puntugaz nagusitu da Arkote, eta zazpi puntu gutxiago batu ditu Isuntzak. Mundaka Ak 60 puntugaz, B taldeak 55 puntugaz eta Elantxobek 50 puntugaz amaitu dute liga. Mistoen sailkapenean, Bermeo laugarrena izan da, Elantxobe bosgarrena eta Mundaka zortzigarrena.
Ume kategorian, mutiletan, Mundaka laugarren, Elantxobe A seigarren, Elantxobe B hamabigarren eta Bermeo hamabosgarren sailkatu dira. Nesketan, berriz, mundakarrak izan dira eskualdeko bakarrak; bosgarren amaitu dute liga.
