Daniako frontoian bihar (apirilak 1) hasiko dute txapelketa, eta apirilaren 10ean jokatuko dute finala. Barandikak eta Lekerikak Johan eta Gorka Sorozabal anaien kontra jokatuko dute, eta Hormaetxea eta Thibault Basquek Iñigo Gorostola Arrieta eta Iñaki Urbietaren aurka.
22. Korrika Amurrion hasi da arratsaldean, eta bertako euskaltegiko irakasleek eraman dute lekukoa lehenengo kilometroan. Apirilaren 7an Busturialdeko herritarrek eskuz esku ibiliko dute lekukoa, eta euskararen aldeko olatu erraldoia apirilaren 10ean Donostian helmugaratuko da.
Busturialdeko hogei udalerrietako 46.300 biztanleri emango die zerbitzua. Parke "handiagoa, modernoagoa eta gaur egungo beharrizanen arabera" diseinatutakoa dela dio Isuzko Mendizabal suhiltzaile parkeen operazio eta kudeaketaren arduradunak.
Espainiako Estatuan 'Erregularizazioa Orain' lelopean abiatu den kanpainaren berri emango dute; 19:00etan jarri dute hitzordua, Kabidxen.
Pilota mistoan bere lehenengo binakako txapela lortu du Olatz Arrizabalaga gernikarrak. Enara Gamindegaz txapelketa borobila egin du; bikote sendoa osatuta, partidu guztiak irabazi dituzte.
Bihar Gautegiz Arteagan eta Mundakan, zapatuan Elantxoben eta Foruan eta domekan Mendatan Korrikagaz lotutako ekitaldiak egingo dituzte. Ean aurreko asteburuan egin zuten Korrika Txikia.
Bermeoko Udalak bosgarren erakusleiho lehiaketa antolatu du, eta gaia udaberria izango da. Izena eman gura duten dendek apirilaren 6ra arte egin ahalko dute.
Muruetako udaletxean batuko dira, 19:00etan.
Merkatu plazan, zapatuan, 12:30ean jarri dute biltzeko hitzordua. Martxoaren 19an Astran adostu zuten manifestura 328 pertsona atxikitu dira.
Bermeon biharko jarri dute hitzordua, 19:00etan, Alkartetxean. Busturian, berriz, barikuan batuko dira Altamirako kultur etxean, 19:00etan.
Helduen Elkarteak antolatu du irteera, eta zehaztu du joan gura dutenek apirilaren 13a aurretik izena eman beharko dutela.
Hilabete osorako egitaraua prestatu du Gernika Memoriaren Lekuko plataformak. Apirilaren 5ean hasita, hilaren 29an emango diete amaiera ekimenei.
Tailerrean parte hartu gura dutenek eguena (martxoak 31) dute izena emateko azken eguna.
Ikastaroak apirilean izango dira eta doan eskainiko dituzte. Izena eman behar da eguena baino lehen.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
