HITZA taldea sortu da 32. Lilatoian parte hartzeko
Beste urte batez, lasterketa HITZA taldearekin egiten dutenek kamiseta jasoko dute opari modura. Otsailaren 20a da izena emateko azken eguna. Animatu!
31. Lilatoian (2020) HITZA taldea osatu zutenak, lasterketa hasi aurretik, Donostian. Argazkia: Nerea Lizarralde/Irutxuloko Hitza Martxoaren 6an Donostian egingo den emakumeen lasterketan HITZA taldearekin parte hartu nahi dutenek telefonoz deitu (943467236) edo posta elektroniko bat idatzi behar dute (lilatoia@hitza.eus); deitzerakoan edo idazterakoan izena eman nahi den herritarraren izen-abizenak eta herria adierazi beharko dira.
HITZA taldearekin parte hartuko dutenek kamiseta bat jasoko dute opari modura (izena ematerakoan ze neurritako kamiseta nahi den ere zehaztu beharko da).
OHARRA: HITZA taldean parte hartzeak ez dauka inolako kostu ekonomikorik, baina HITZA taldean parte hartzeko aurretiaz Lilatoiaren inskripzio ofiziala egin behar da. Otsailaren 20a da izena emateko azken eguna.
