Atxilotua ertzain-etxera eraman zuten, eta dagozkion eginbideak amaituta, epailearen esku utziko dute datozen orduetan.
Ertzainek “arma zuriz egindako lesio delitu bat egotzita” atxilotu zuten 26 urteko gizonezkoa, atzo, Bermeon. Atxilotua ertzain-etxera eraman zuten, eta dagozkion eginbideak amaitu ondoren, epailearen esku utziko dute datozen orduetan.
Eusko Jaurlaritzako segurtasun sailak jakitera eman dutenez, atzo 21:15ean izan zen erasoa, Bermeoko Alde Zaharreko etxebizitza batean. Erasotuak eman zuen gertatutakoaren berri: “Gizonak Ertzaintzari jakinarazi zion pisukideak laban batekin eraso egin ziola eztabaidan aritu ondoren”.
Patruila bat bertaratu zen tokira, eta atarian aurkitu zuten biktima. Esku batean ebaki bat zuen. Biktimaren arabera, erasotzaileak sukaldeko aizto batekin “hainbat aldiz” erasotu zion, eta esku batean zauritu zuen, erasoa saihesten ahalegindu zenean.
