Nagusi zein gazte, euskararen alde
Euskaraldiaren laugarren aldia den honetan, Gernika-Lumo Euskaraldiko Batzordeak hasierako ekitaldi berezia prestatu du gaur, musika eta dantzaz baliatuz, euskara lau haizetara zabaltzeko. SOMEren, Elai Alai Dantzari Taldearen, Urdaibai Kantagunearen eta Ross Dantza Eskolaren emanaldiez gozatu dute, besteak beste.
Cork Euskal Herriko kanta herrikoiez jantzi dute
Corkeko (Irlanda) 'Cork International Choir Festival' kantu jaialdian parte hartu du Urdaibai Kantaguneak 20. urteurrena ospatzearen baitan. "Esperientzia oso positiboa" izan delarik, bertako areto eta espazio desberdinetan euskaraz eta gaelikoz kantatzeko aukera izan dute.
Musutruk Mundaka, "herri hobe bat egiteko"
Laguntasuna, elkartasuna eta talde lana ditu ardatz Musutruk Mundaka kirol-kultur elkarteak. Lasterketak, hitzaldiak eta beste hamaika ekintza antolatzeko aurreikuspena du "herrian sortutako" elkarteak.
Museoen Nazioarteko Eguna ospatzeko jardunaldi bereziak egingo dituzte
Bizkaiko Foru Aldundiak Museoen Nazioarteko Egunarekin bat eginez, hamaika proposamen aurkeztu ditu. Bermeoko Arrantzale Museoa eta Gernika-Lumoko Bakearen Museoa eta Euskal Herria Museoa izango dira protagonista, besteak beste.
"Euskara nire bizitzan ez balego, ez nintzateke ni neu izango"
Herriko gazte mugimenduetan murgilduta dagoen heinean, Euskaraldiaren hamaikakoaren parte da Irune Astiazaran Allika bermeotarra. Batik bat gazteen artean euskararen garrantzia hauspotzeko prest dago.
Lauaxeta omendu du Gernika Memoriaren Lekukok, askatasunerako zubi izanagatik
Prentsa Askatasunaren Nazioarteko Eguna (maiatzak 3) baliatu du Gernika Memoriaren Lekuko plataformak Estepan Urkiaga Basarats 'Lauaxeta'-ri omenaldia egiteko. Mungiako Haizetara elkartearekin elkarlanean antolatu du plataformak ekitaldia, eta "txikitasunean handi den liburu bat" aurkeztu dute.
Gernika-Palestinak Gazako Askatasunaren Ontzidia erasotu dutela salatu du
Gazako Askatasunaren Ontzidiko 'Conscience' ontziak nazioarteko uretan jaso berri duen erasoa "irmoki" salatu du Gernika-Palestina Herri Ekimenak, eta "euskal instituzioen parte-hartzea" exijitu dute.
Gaztetxeak Bertsotan-en finala hartuko du Gernikako Gaztetxeak
Gaztetxeak Bertsotan ekimenak sei saio jorratu ditu dagoeneko, Euskal Herriko hainbat gaztetxe eszenatoki izanik. Zapatuan (maiatzak 3) berreskuratu berri den Gernikako Gaztetxeak hartuko du ekimenaren finala, Egurre Gazte Asanbladagaz batera prestatutako egun osoko egitarauagaz batera.
20 lagun batu ditu hostoak marrazteko tailerrak
Gernikako Berbalagunek hostoak marrazteko tailerra antolatu zuen atzo (maiatzak 15), Gernika-Lumoko Kultur Etxean. Horrekiko balorazio positiboa egin dute antolatzaileek.
Bonbardaketaren 88. urteurreneko egitarauaren balorazioa egin du Gernika Memoriaren Lekukok
Gernika Memoriaren Lekuko plataformak azken asteetan Gernikako bonbardaketaren 88. urteurrenaren baitan antolatutako ekintzen balorazioa plazaratu du.
1.260 haur izango dira protagonista Eskolarteko Dantzari Egunean
35. edizioa izango du aurten Gernika-Lumoko Eskolarteko Dantzari Egunak. "Erritmoa memoria-ekitaldi bihurtzeko helburuz", San Kristobaleko aparkalekuan dantzatuko dute 3 eta 12 urte bitarteko 1.260 ikasleek.
Sormena eta tokiko merkataritza nahiz ekoizpena, Ibarrangeluko VIII. Azokan
Bi urterik behin antolatzen dute Ibarrangeluko Azoka, eskualdeko sormena eta tokiko merkataritza nahiz ekoizpena sustatzeko asmoz. Gaur (maiatzak 3) eguraldia aldeko dutelarik, herritarrak goi-goitik ari dira azokaz gozatzen.
Udalerriko urteko lehen jaiak ospatzen ari dira
Lorategieta auzoa izaten da Gernika-Lumon festak ospatzen lehenengoa; atzo (apirilak 30) hasi eta zapatura (maiatzak 3) bitartean iraungo du jai auzotarrak, besteak beste, dantzak eta musika nagituz.
Busturiko jaietako kartel lehiaketa, abian
Maiatzaren 6ra (martitzena) arte entregatu daitezke lanak, Altamirako Kultura Etxean. Partaide bakoitzak gehienez bi lan aurkeztu ahal izango dituela jakinarazi du Busturiako Jai Batzordeak, irizpideak ezagutarazteagaz batera.
Eslovakiako enbaxadoreak Gernika-Lumo bisitatu du
Gernikako Arbolaren orri bat jaso du Eslovakiako enbaxadoreak Gernika-Lumora egindako bisitan, "anaitasunaren ikur" gisa. Hala, Jose Mari Gorroño alkateak harrera egin dio gaur (apirilak 10), keinu sinbolikoek markatutako bisita instituzional batean.
Negu sasoiko azken landaketarako prest
Bosgarren landaketari ekingo diote domekan BaSOS elkarteko kideek, kasu honetan, deialdi zabala eginez. Aurreikusipenak betetzear daude, gainera; bi hektareako eremua 1.200 zuhaitzez biziberrituko dute.
94 zuhaitz landatu dituzte, jaioberriei ongietorria emateko
Iaz abiatu zuen Gernika-Lumoko Udalak 'Haur bat, zuhaitz bat' ekimena, urtez urte herrian jaiotzen diren haurrei ongietorria emateko asmoz. Zapatuan (martxoak 29) 94 familiek egin zuten ekimenarekin bat, Traman.
