Gabonak girotzeko, asteburuan hasi eta urtarrilera bitartean hamaika ekintza aurreikusi ditu Bermeoko Udalak, herriko talde desberdinen laguntzagaz. "Egitarau zabala" izango dute herritarrek eskura; Gabon Azoka Bermeotarragaz hasiko da, asteburu honetan.
Herritarrak kalera atera dira gaur (abenduak 3), Euskararen Egunean. Hiztun komunitatea zaindu, elikatu eta piztu behar dela sinetsita, hizkuntza politiketan jauzi bat bultzatzea eta euskaltzaletasuna indartzea eskatu dute eragileek. Indar politikoei euskaltzaletasunagaz "lerratzeko" eskatu du Euskalgintzaren Kontseiluak.
Euskararen Egunez, gaur (abenduak 3), euskararen aldeko aldarriz bete dituzte Busturialdeko herrietako txokoak hango eta hemengo ikasleek. Euskaraz aritzearren beharra plazaratu dute.
Ajangizen, Arratzun, Ean, Elantxoben, Errigoitin, Foruan, Kortezubin, Mendatan, Muruetan eta Muxikan instalatuko dituzte kutxazainak. 38 kutxazain horietatik 31 "gehienez bi urteko epean" jarri beharko dituzte martxan, lehenengoak urtarrilean.
Etxebizitzatik konorterik gabe zegoen 73 urteko gizon bat atera dute, eta osasun-langileek artatu badute ere, tokian bertan zendu da.
Gaurtik [abenduak 1] aurrera eman daiteke izena Bermeo, Mundaka eta Sukarrietako Udalek erabaki, Lanbidek diruz lagundu, eta Behargintzak kudeatuko dituen hiru proiektuetan. Guztira 34 pertsona langabetu laneratuko dira.
Marimar Hernandez Bermeoko Berbalagunen dinamizatzailea da azkenengo hamabost urteetan, eta astero batzen diren taldeei beharrezko baliabideak eskaintzen dihardu geroztik. Egitasmoagaz bat egiteko zalantzaz daudenak "probatzera" animatu ditu.
Euskara «larrialdi egoeran» dagoenez, komunitatea «indartu» behar dela dio Euskalgintzaren Kontseiluak. Euskararen garrantzia azpimarratzeko denetariko jarduerak prestatu dituzte. Eudelek dio urrats «ausartak» egiteko unea dela.
Gorputza martxan eta Burua martxan programak eskaintzen jarraituko du Gizarte Ongizaterako Sailak, eta lekuak mugatuak direnez, esleipena zozketa bidez egingo dute, abenduaren 15ean. Parte hartu gura dutenek abenduaren 11 [eguena] dute izena emateko azken eguna.
Bermeoko Udalak inkesta "landuagoak" prestatu ditu aurten, orain arte ez bezala, bermeotarren "espektatibak" ere kontuan hartuko dituztelako. Inkestak otsailaren 1era bitartean bete ahal izango dira, sarean zein paperean.
Arlo zientifiko-teknikora bideratutako saioa Gernika-Lumon egin dute gaur [azaroak 27], 177 ikasleren parte hartzeagaz. Arlo artistiko-sozialari buruzkoa, berriz, Bermeon egingo dute, bihar [azaroak 28].
Aitziber Ansotegi Urremendiko kudeatzaileak Europako Parlamentuan aurkeztu zuen Urdaibaiko Turismo Jasangarriaren Europako Gutun berritua. Gutuna berritzeko Batzorde ebaluatzaileak "tokiko eragile eta kolektibo interesdun ugarirekin eraikitako" lankidetza azpimarratu du.
Abenduaren 12ra arte [barikua] parte hartu ahal izango da, galdetegia paperean zein Internet bidez beteta.
Bizkaiko Foru Aldundiaren Ingurumen Sailak eta Bermeoko Udalak aurkeztutako alegazioei esker, 501 zenbakidun Sollubemendi izeneko Herri Onurako Basoko proiektua guztiz aldatu da, eta bideen ondoan dauden pinuak bakarrik botako dituzte.
OPESCAYA Bizkaiko Baxurako Arrantza Ekoizleen Elkarteak hegaluzearen "tradizioa, iraunkortasuna eta bikaintasuna" zuzenean ezagutzeko "esperientzia murgiltzailea" eskaini die Isabel Sorribas, Clara Martínez, Iñaki Tejedor, Maxi AJ eta Iñaki Ibaibarriagari.
Herritarren esku geratuko da 2026ko aurrekontu parte hartzaileetako 50.000 euroak zein proiektutara bideratu aukeratzea. Bermeon erroldatutakoek azaroaren 30era arte dute bozka emateko aukera, bai fisikoki, bai Internet bidez.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
