Igogailu proiektua aurrera eroateko hirigintza plan berezia ondu dute, eta hurrengo urte hasieran onartuta edukitzea aurreikusten dute. Obrak eurak 2025 amaierarako edota 2026 hasierarako iragarri dituzte.
Udaldiko datuen arabera, eguneko bisitarien kopuruak behera egin du Bermeon; astebete pasatzera datozen turisten zenbatekoak berriz, "gora egin du nabarmen". Ekainaren 1etik irailaren 30era 14.294 bisitari hartu ditu turismo bulegoak, aurreko urteetan baino gutxiago.
Natura zaintzearekin lotutako proposamenez betetako jarduera prestatu dute zapaturako [urriak 5]. Izen ematea zabalik dago, Bizkaiko Mendi Federazioaren web orrialdean.
Lointek Gernika Bizkaia liga hastear dago. Zapatu honetan emango diote hasiera Malosten, 18:30ean, Duran Maquinaria Ensino Lugoren aurka. Talde berri eta gaztea eratuta, "ilusioz beteta" agertu dira jokalariak gaurko media day-ean.
Beste urte batez, musika klasikoaz gozatzen badakitela erakutsi zuten eatarrek MusikEan zikloan; izan ere, Eskolondoko frontoi egokitua egunez egun bete zuten. Agustin Bergara koordinatzailea "pozik" agertu da zikloak izan duen erantzunagaz.
Domekako [irailak 29] Urdaibai Gurie egitasmoaren hirugarren aldiak jasangarritasuna, gastronomia, musika eta ekintzailetza uztartu ditu Ekoetxea Urdaibain.
Basterretxearen ume garaiko Bermeo eta beragan zein euskal artistengan 1937ko erbestealdiek izan zuten eragina bi taupadatan ezagutzeko aukera izan ostean, hirugarren taupadak Basterretxea izan zen arte gizonari buruz hitz egin du.
Bermeoko Alde Zaharra biziberritu eta gune erakargarri bihurtu nahian, Areilza eta Doniene kaleetan obrak egingo direla eman du aditzera Udalak.
1.500 bisitariren kopurua igarota hartuko dituzte Rober Garay eta Alberto Palomera artistek Foru Aldundiak antolatzen dituen Ondarearen Europako Jardunaldiak urriaren 12an. Izena eman beharko da horietan parte hartzeko.
Hilaren 18a izango da izena emateko azkenengo eguna. Posta elektronikoz edota telefonoz egin daiteke.
Asiako herrialde bien arteko hartu emanak estutu nahian lanean ari den Japoniaren eta Taiwanen arteko Adiskidetasunaren Itzulerako Kultur Elkarteko ordezkaritzak Gernika-Lumoko Batzarretxea bisitatu du.
Pelikula bat ikusi eta horren inguruan eztabaidatzeko elkartuko dira gaur [urriak 1]. Urriaren 13an berriz, bazkaria egingo dute.