Bermeoko artearen zati bat etxera itzuli da
Manuel Garai Maneroren 'Arrantzaleak portuan' margolana jaso du Bermeoko Udalak. Jakinarazi dute udalaren ondare artistikoa aztertuko dutela laster, obra bakoitzerako lekurik onena aurkitzeko helburuagaz.
Garai margolariaren obra udalean dagi.Bermeoko Udala Bermeoko Udalak dohaitzan jaso du Manuel Garai Manero Tanborren margotutako Arrantzaleak portuan margolana. 80eko hamarkadan Barrueta Arte elkarteko kidea izan zen Garai, eta bere emazteak erabaki du obra horrek Bermeon egon behar zuela; hala, Nadia Nemeh Shomaly alkateak “emozio handiz” hartu du lana bere eskutik.
Margolanak bermeotarren marinel izaera erakusteagaz batera, herrian “oso maitatua” izan den artista baten ondarea ere islatzen du. Hala, udalak familiak egindako dohaitza eskertu du.
Gainera, udaletik jakinarazi dute udalaren ondare artistikoa aztertuko dutela laster, obra bakoitzerako lekurik onena aurkitzeko helburuagaz.
