Astra irlandar dantzez bete dute
Atzo (martxoak 23) dantza izan zen protagonista, Astran. Irlandar dantza, hain zuzen ere. Horregatik, Conradh ns Gaeilge elkarteko Seamusen eskutik jaso zuten gerturatutakoek ikastaroa.
Argazkia: Urdaibai Kantagunea. Irlandar dantza talde batekin harremanetan jarri ziren Urdaibai Kantaguneko kideak, beraien dantzak ikasteko asmotan. Atzo (martxoak 23), beraz, Conradh ns Gaeilge elkarteak, Astran, irlandar dantza batzuk irakatsi zizkieten hurbildutakoei. Urdaibai Kantaguneak esan duenez, dantza horiek ikasi nahi ditu, apirilaren 29an Irlandara doazelako eta Corkeko Jaialdian parte hartuko dutelako, folklore ez lehiakorraren kategorian.
Conradh ns Gaeilge elkartea Irlandako elkarterik zaharrenetakoa dela nabarmendu dute, eta dantza ikastaroaren helburua ere argi defendatu dute: “Gaeliko hizkuntza babesteko eta bereziki, euskaldunen eta irlandarren harremanak indartzeko asmoz antolatu dugu”. Izan ere, esan bezala, hurrengo hilabetean Urdaibaiko abesbatza Irlandara doanez, “aukera on gisa” izan dute ikastaroa antolatzearen ideia. “Gure lagun Seamusen eskutik jaso dugu dantza ikastaroa; 10 urte daramatza Irlandako dantzak Bilbon irakasten”, gaineratu dute.
Argazkia: Urdaibai Kantagunea.
