Musutruk, tabernen mozorro lehiaketako txapeldun
Zazpi tabernak hartu dute parte Gernika-Lumoko Udalak aurten berreskuratu duen Tabernen mozorro lehiaketan; Musutruk Taberna izan da garaile horretan, nahiz eta guztiak "maila bikaina" izan duten.
Pandemia garaian egin zen azkeneko aldiz Gernika-Lumon Tabernen Mozorro lehiaketa. Hala, herrian berreskuratu berri den lehiaketak badu irabazlea; Musutruk Taberna. Irabazleaz gain, beste hainbat izan dira lehiaketan parte hartu dutenak, Gernika-Lumoko udal ordezkarien hitzetan. Tximista, Katu, La Boca, Omago Txiki, Arrano eta El Caminito Tabernak izan ziren mozorroz jantzi zirenak, alegia.
Udaletxeko arduradunek, desfilearen baitan, tabenrarik taberna aritu ziren, hoberena bilatzeko asmoz. Esan dutenez, “Río de Janeiro gaia ardatz izandakoak lehenetsi” dituzte, eta horrela, bakoitzaren iritziez baliatuz, Musutruk aukeratu zuten. “Tabernen dekorazioa baloratu dugu, orokorrean; kanpotik, barrutik, langileen mozorroak, etabar”, gaineratu dute, eta Musutruk Tabernaren, zein beste guztien “lan bikaina” nabarmendu dute: “Zaila izan da aukeraketa. Oso maila altua erakutsi dute parte hartzaile guztiek, eta lehiakortasun handia egon da”.
