Beñat Totorikak irabazi du otsaileko Ezetz Jakin saria
Ezetz Jakin lehiaketako otsaileko saria Beñat Totorikak lortu du. Parte hartzaileen saria, berriz, Julen Alonsok. Martxoko lehiaketan parte hartzeko epea dagoeneko zabalik dagoela aurreratu dute Gernika-Lumoko Berbalagunek.
Beñat Totorika izan da 2024/25 ikasturteko Ezetz Jakin lehiaketaren laugarren sariaren irabazlea, eta Berbalagunetik azaldu dutenez, Karnalito Jatetxe mexikarraren eskutik jaso du irabazleak otsaileko saria; bi lagunentzat otordu bat jatetxean, eguenetik domekara bitartean. Halaber, parte hartzaile guztien artean zozketatzen den saria Julen Alonsok jaso du; 20 euroko bonoa izango du, datozen bi hilabeteetan herriko establezimenduetan gastatzeko.
“Oso pozik” agertu dira beste behin Gernika-Lumoko Berbalaguneko kideak otsaileko lehiaketan izandako parte hartzearekin. Izan ere, antolatzaileek jakitera eman dutenez, “92 erantzun” jaso dituzte azken hilabetean, eta hori, euskararentzat oso positiboa da: “Zifra ona dela uste dugu, beste behin; gure horretan mantentzen gara hilabetez-hilabete”. Gainera, berezitasun gisa hurrengoa aipatu du antolatzaileak: “Inoizkorik eta erantzun oker gehiago izan dira orokorrean, otsaileko erantzunetan. Agian galdera zailegiak jarri ditugulako izan daiteke, ala erantzun posible asko izan direlako galdera bakoitzean. Arreta deitu digu”.
Horrela jarraitzea espero dute Gernika-Lumoko Berbalagunek, “euskararen mesederako”. Hori aintzat hartuz, martxoko lehiaketa ere dagoeneko martxan dagoela gogoratu dute: “Martxoaren amaierara arte egongo da lehiaketan parte hartzeko epea zabalik. Gaiekiko, “betiko gaiak” jorratuko direla nabarmendu dute. Hain zuzen ere, hamabost galdera zuzen erantzun beharko dira Ezetz Jakin lehiaketako 2024/25 ikasturteko laugarren saria lortzeko. Aurreratu dutenez, oro har, martxoko irabazleak Julen Tabernan bi lagunentzako otordu bat lortuko du, eta beraz, herritarrak parte hartzera gonbidatu dituzte Gernika-Lumoko Berbalaguneko kideek.
