Euskal dantza ikastaroa prestatu dute Kanpantxuko euskal jairako
Kanpantxuko Euskal Jaiari begira, dantza ikastaroa antolatu dute herriko gurasoek: gaur eta datorren barikuan, 17:30etik 19:00etara bilduko dira, kultur etxean.
Egun seinalatua izaten da urriaren bigarren zapatua kanpantxuarrentzat. Euskal Jaian euskal tradizioa eta baserri giroa aldarrikatzen eta babesten dituzte. Egun handia izaten da, herritarren elkargunea, eta, jai horretan leku berezia izaten dute euskal dantzek. Hala, urriaren 12an ospatuko duten Euskal Jaiari begira, dantza ikastaroa antolatu dute herriko gurasoek: gaur eta datorren barikuan, 17:30etik 19:00etara bilduko dira, kultur etxean.
Horrez gain, antolatzaileek gogoratu dute bazkarirako eta poteorako izen emateak zabalik daudela, eta hori Abi Alai txokoan zein Herriko Tabernan egin daitekeela. Halaber, herritarrak gonbidatu dituzte jaian parte hartzera.
