Bermokiz Eguna ospatuko dute elantxobetarrek
Egun osoko jai egitaraua antolatu dute biharko [abuztuak 31].
Bermokiz Eguna ospatuko dute zapatuan [abuztuak 31], izen hori duen Elantxobeko auzoan. Herritarrek 11:30ean edukiko dute hitzordua, artzain txakurren lehiaketaren hirugarren aldiaz gozatzeko. Jarraian, 13:00etan, kozinatzeko asmoa dutenek prest egon beharko dute; ordu horretan zabalduko dute tortilla txapelketan parte hartzeko izen ematea. Txapelketarako tortillak 14:30ean aurkeztu beharko dituzte. Bazkalostean nahiz arratsaldean ere egongo da zer egin eta zertaz gozatu. Hain zuzen ere, 17:00etan hasita, Obaneuke erromeriak zuzeneko musikaz eta jai aldarteaz girotuko du auzoa.
Egitaraua
11:30. III. Artzain Txakurren lehiaketa
13:00. Tortilla txapelketarako izen ematearen irekiera.
14:30. Tortillen aurkezpena.
17:00. Obaneuke erromeriaren emanaldia.
