Egun mugitua espero da Bedaronan
Zapatuan [abuztuak 24], San Bartolome eguna ospatuko da Ean, Bedarona auzoan. Goizean hasi eta hurrengo goizaldera arteko egitarauarekin, inor geldi ez egoteko ekintza anitz eskainiko ditu auzoak.
Goizean goiz jarriko da martxan Ea, zapatuan [abuztuak 24]. Bartolome Deuna eguna dela eta, egun guztiko egitarau zabalaz gozatzeko aukera izango da auzoan, hainbat ekintza desberdin uztartzeko aukera izanik. Hala, goiz guztian zehar Latxiñe ardi txirrista erraldoia izango da Bartolome Deunaren zelaian, txikienen gozamena elikatzeko. Horrekin batera, Eingo Kanta eta Dantza taldea izango da goizari jai giroa gehitzearen eta auzoa berotzearen arduraduna.
Beroketa horren ostean, benetako mugimendua hasiko da. Izan ere, umeentzat Herri Kirolak izango dira 13:30etatik aurrera, eta jarraian Txingak eroatearekin jarraituko dute auzoan. Kasu honetan sariak ere izango dira, “lehenengo emakume eta gizonarentzat”. Hala nola, bi kategoriatan jokatzea aurreikusten da: 25kg eta 35kg. Aukera bi horiek izanik, parte hartzaile bakoitza izango da kategoria bat edo beste aukeratuko duena.
Zozketak, sariak eta batez ere, martxarako gogoa izango da eguerdian zehar ere, eta horri laguntzeko, eta auzoa musikaz betetzeko, Dj Koolen hiru orduko saioa izango da, 70-80-90eko musikarekin. Berriz ere kirolarekin sartuko dira, ordea. Hain zuzen ere, 20:00etan bolo txapelketa egingo da auzoan, Atxondoa banaketak-ek oparitutako txapela izanik jokoan.
Bartolome afaria. Gaba heltzean, 21:15etan, afaria egingo da, nahi duten guztiekin. Hala baina, parte hartzeko, 25 euro ordaindu behar dira, eta izena ere eman behar da 944052233 telefonora deituta . Izen emate horren azken eguna gaur [abuztuak 22] da.
Sorpresaren bat ala beste ere egongo da gauean, eta ondoren, berriz ere Dj Koolek girotuko du gaba, goizaldea iritsi arte. Batik bat, goizeko 2:30etan kantzontzillo, tanga, pantaloi…lasterketa egingo delako, eta horrek emango diolako urte honetako Bartolome Deuna egunari itxiera.
Egitaraua: Abuztuak 24, zapatua.
12:30. Eingo Kanta eta Dantza taldea.
13:30. Umeentzat Herri Kirol parte hartzaileak.
14:30. Txingak eroatea.
16:00. Txirrinduaren zozketa.
18:00-21:00. Dj Kool; 70-80-90eko musika.
20:00. Bedaronako bolo txapelketa.
23:00. Sorpresa.
Ostean. Dj Kool.
02:30. Kantzontzillo, tanga, pantaloi…lasterketa.
