Ohorezko Mailan jokatzen jarraituko du Bermeo Futbol Taldeak
1-2 galdu zuten Gasteizko Aurreran aurka. Oraindik datorren denboraldiko Errege Kopa jokatzeko aukerak dituzte.
Argazkia: Bermeo Futbo Taldea. 3 RFEF mailara igotzeko ligaxkako bigarren eta azken partidua jokatu zuen Bermeo Futbol Taldeak, atzo[ekainak 9] Gasteizen. Gasteizko Aurrera izan zen bermeotarren aurkaria, eta arabarrek 2-1 irabazi zuten. Beraz, Bermeo Fubol Taldeak Ohorezko Mailan jokatuko du 2024-25 denboraldian.
Igoera lortuko duen taldea zein den asteburuan ezagutuko den arren–Aretxabaletaren eta Gasteizko Aurreraren aurkako partiduan–, bermeotarrei garaipenak baino ez zien balio ametsa egi bihurtzeko. Eta ezin hobeto hasi zuten norgehiagoka. 12. minutuan, Xabi Garaik 0 eta 1koa jarri zuen markagailuan. Gauzak, baina, jarraian aldatu ziren: hamairugarren minutuan berdindu zuten neurketa etxekoek.
Bigarren zatian garaiapenaren bila atera ziren arren, ez zuten gasteiztarren atea zulotzerik izan. Hori gutxi ez balitz, 81. minutuan etxekoek garaipeneko gola eskuratu, eta bermeotarren ametsarekin bukatu zuten. Partidu guztietan jaurtitzen diren penaltietan, gainera, ez zuten irabazterik izan.
Errege Kopako ametsa.
Urtean zehar eginiko lan onak, baina, saria izan dezake. Portugalete 2 RFEF mailara igoko balitz, bermeotarrek Errege Kopa jokatuko lukete datorren denboraldian.
