Odola emateko zerbitzu bereziak eskainiko ditu Osakidetzak
Emaile kopurua "ohikoa baino handiagoa" dela eta, Osakidetzak odol emateko zerbitzua indartuko du datozen egunotan.
![](https://busturialdea.hitza.eus/site/files/2024/06/importedphoto_1718017245762-1200x900.jpg)
Gaixorik dagoen Busturialdeko gazte baten familiak bultzatuta, eskualdeko hainbat herritar hurbildu dira odola ematera zapatuan [ekainak 8] zein gaur [ekainak 10]. Odol emate zerbitzuak ezin izan du elkartasun olatura batu diren herritarren nahiari erantzun, eta denek odola eman dezaten zerbitzu berriak eskainiko dituzte. Jakinarazi dutenez, barikuan 16:30etik 21:00etara egongo da autobusa ohiko lekuan, eta zapatuan 09:30tik 14:00etara.
Odolkideak elkartetik eskainitako datuen arabera, zapatu goiz batean 15 emaile izaten dira batez beste, eta zapatuan 44 lagun hurbildu ziren. Gaur goizeko 12:30ean luzatutako zenbakien arabera, 20 izan dira ordura arteko emaileak. Jende irala sortu da autobus kanpoan, eta elkartasun mugimendu horri erantzuna emateko asmoz eskainiko dituzte zerbitzu bereziak