Haur mailako txapelketa egingo dute zapatuan
Gernika Sporting futbol taldeak antolatuta, datorren asteburuan haur mailako futbol txapelketa egingo dute. Zapatuan [ekainak 8], Bizkaiko eta Arabako hainbat talde Urbietan elkartuko dira, kirola, aisialdia eta harrobia uztartuko dituen lehiaketan. 09:30ean emango diote hasiera txapelketari, eta 19:00ak aldera arte luzatuko dela aurreratu dute.
Gernika Sporting futbol taldeagaz batera, besteak beste, SD Gernika Club, Seber Altube Ikastola eta Bermeo Club ere ariko dira
Gernika Sporting FT ez da paerte hartuko duen talde gernika-lumotar bakarra izango: SD Gernika Club eta Seber Altube Ikastola ere bertan ariko dira. Beraiekin batera, Zorrotza FC, Basauriko Kimuak FK, CD Laudio, Bermeo Club, CD Lakua, Barakaldoko AFK Arrontegi eta Ikastxiki Futbol Eskola izango dira gainontzeko talde parte hartzaileak.
