Bihotz-biriketako bizkortzea herritarrei hurreratuz
Amaia Onaindia Agundez erizainak bihotz-biriketako bizkortzearen inguruko ikastaro praktikoa eta teorikoa eman zuen iragan barikuan [maiatzak 10], Mendatako Elizosteko aretoan. Hainbat herritar bertaratu ziren 18:30ean hasitako tailerrera, bihotz-biriketako bizkortzea langai garrantzitsua den jakitun. Helburu nagusietako bat udalerrian dauden desfibriladoreak erabiltzen irakastea izan zen, tankerako larrialdi egoera batean segurtasunez baliatu ahal izateko.
![](https://busturialdea.hitza.eus/site/files/2024/05/mendata-ikastaroa-5-500x500.jpg)
Argazkia: Mendatako Udala.
Besteren artean, mendatarrek Heimlich maniobra egoki zelan egin ikasi zuten, Onaindiaren eskutik. Ikastaroaren alderdi teorikoaren eta praktikoaren artean, gainera, kafetarako tartea ere eduki zutn bertaratu zirenek; giro atsegina eta hurrekoa, horrenbestez, ez zen falta izan.