Mendekano Kurtzio gurutzea, etxera bueltan
Amaitu dituzte Mendekano Kurtzio gurutzearen eraberritze obrak. Monumentua dagoeneko dagokion tokian dago: izen bera duen Mundakako plazatxoan.
Udal ordezkariak, gurutze aurrean. Argazkia: Mundakako Udala. Mundakako udal gobernu taldeak udalerriko elementu historiko esanguratsuenetako bat, Mendekano Kurtzio gurutzea, dagokion tokian dago berriro. 2022. urteko urriaren 28an kendu zuten gurutzea izena ematen dion plazatik, helburu argi eta garbiagaz: gurutzea eta bere oinarria eraberritzea. Hemeretzi hilabeteren ondoren, amaitu dituzte lanok, eta gurutzea dagokion lekuan dago berriz.
Izan ere, 2023ko uztailaren 12an abian ipini zituzten konponketak, eta bederatzi hilabete behar izan dituzte espezialistek, horiek burutzeko. Behin plazan ipinita, gurutzearen eta bere oinarriaren inguruko eremua hesituta eduki du udalak. Horren arrazoiak, azaldu dutenaren arabera, gurutzea “lekuan ondo finkatzea eta hori eman artean hura babestea” izan dira, bisitarientzako zabaldu orduko.
Gurutzearen balioaz.
Mendekano Kurtzio gurutzea, zerbait izatekotan, udalerriko historia, kultura eta arkitekturaren altxorrik preziatuenetako bat da. 1611. urtean eraiki zuten, Rodrigo Abad de Mendekanoren aginduz. Berpizkunde berantiarraren erakusle da: inskripzio epigrafiko bat du bere oinarrian; goiko partean, ostera, pasarte bibliko bi bistaratzen dituzten bi eskultura. Gurutzeak 4,42 metroko altuera du. Berrikuntzekin, aipaturiko xehetasun horiek guztiak jagon dituzte. 1982an lekualdatu zuten monumentua egun dagoen plazara, ordura arte errepide bazter batean baitzegoen.
Mendekano Kurtzio gurutzea, zerbait izatekotan, udalerriko historia, kultura eta arkitekturaren altxorrik preziatuenetako bat da. 1611. urtean eraiki zuten, Rodrigo Abad de Mendekanoren aginduz. Berpizkunde berantiarraren erakusle da: inskripzio epigrafiko bat du bere oinarrian; goiko partean, ostera, pasarte bibliko bi bistaratzen dituzten bi eskultura. Gurutzeak 4,42 metroko altuera du. Berrikuntzekin, aipaturiko xehetasun horiek guztiak jagon dituzte. 1982an lekualdatu zuten monumentua egun dagoen plazara, ordura arte errepide bazter batean baitzegoen.
