Bizkaitik Bizkaira programa Busturialdera ailegatu da
Iker Casanova EH Bilduren Bizkaiko bozeramailea Sorne Rubio Mundakako alkateagaz eta Nadia Nemeh Bermeoko alkateagaz elkartu da, "eskualdeko proiektu eta beharrez" solasteko.
Rubio ezkerrean, Nemeh erdian eta Casanova eskuman. Argazkia: EH Bildu. EH Bilduren Bizkaiko bozeramailea, Iker Casanova Alonso barakaldoztarra, Mundakako eta Bermeoko alkateekin elkartu da gaur [otsailak 7], Bizkaitik Bizkaira programaren barruan. Sorne Rubio Arano mundakarrak eta Nadia Nemeh Shomaly bermeotarrak alkate diren udalerrietan abian dituzten esperientziak eta martxan jartzen ari diren proiektu nagusiak ezagutzera eman dizkiote Casanovari.
Eskualdearen biziberritze ekonomiko eta sozialen ezinbestekotasuna nabarmenduta, herritarren bizitza hobetzen lagun dezaketen proposamenak partekatu eta aztertu dituzte EH Bilduko ordezkariek. Arratsaldean, Casanovak Bermeon egingo den solasaldian parte hartuko du, eskualdeko militantziarekin batera etorkizunari buruzko kezkak eta hausnarketak partekatzeko helburuagaz.
