Bizkaiko Txapelketako play-offak Bermeon lehiatuko dituzte
Arene kiroldegian lehiatuko dituzte, asteburuan, emakumezko kadeteen Bizkaiko Txapelketako play-offak.
Bermeoko Arene kiroldegiak emakumezko kadete mailako Bizkaiko Eskubaloi Txapelketako play-offak hartuko ditu asteburuan. Zapatuan, partidu bi jokatuko dituzte. Lehenik eta behin, zapatuan [urtarrila 13], 11:30ean, Urdaneta F taldeak Urdaibai Manteiga edukiko du aurrez aurre; jarraian, Zuazo Kadete Gorria taldeak Muskiz Azulen kontra neurtuko ditu indarrak, 13:00etan. Domekan [urtarrilak 14], txapelketako finala jokatuko dute zapatuko fasetik sailkatzen diren talde biek; 13:15ean emango diote hasiera azkenengo norgehiagokari. Asteburuko partiduez gozatzeko, kiroldegira bertaratu gura duten guztiek doako sarrera edukiko dutela aurreratu dute antolakuntzatik.
