23. Korrikaren ibilbidea eta ordutegiak zehaztu dituzte
Euskararen aldeko ekimena Busturialdeko hainbat herritatik igaroko da martxoaren 20an eta 21ean. Martxoaren 20an 20:30ean ailegatuko da Eara, eta aurten, Elantxobetik pasatuko dela nabarmendu dute. Gero, 23:04an sartuko da lekukoa Gernika-Lumon, eta 01:25ean ailegatuko da Bermeora.
23. Korrikak 2.700 kilometroko ibilbidea osatuko du. Martxoaren 14an Irundik atera eta martxoaren 24an Baionan amaituko den euskararen aldeko ekimenari buruzko xehetasunak mugikorreko aplikazio baten bitartez jarri dituzte eskuragarri.
Harro Herri lelopean Euskal Herriko hamaika herri eta auzo igaroko ditu 11 egunean, eta kilometroak erreserbatzeko aukera otsailaren 1ean zabalduko dute.
Irungo San Juan plazan emango ditu lehen pausoak korrikak eta Busturialdera martxoaren 20an ailegatuko da: 20:30ean Eara sartzea aurreikusten da, eta aurten, Elantxobetik pasatuko dela nabarmendu dute.
Eskuz esku ibiliko da lekukoa Ibarrangelu, Elantxobe, Gautegiz-Arteaga, Kortezubi eta Gernika-Lumotik. 23:04an sartuko da udalerrira korrika eta herria igaroaz, Muxikara abiatuko da, berriz ere bueltan etorri eta Kortezubira joateko: martxoaren 21ean 00:03an aterako da Muxikarantz. Ostean, Forua, Murueta, Busturia, Sukarrieta, Mundaka eta Bermeo igaroako ditu gaueko ordu txikitan; hain zuzen ere, 01:25ean ailegatuko da kostako herrira.
Herriz-herriko ordutegiak:
Martxoak 20
- Ea: 20:30
- Ibarrangelu: 21:24
- Elantxobe: 21:37
- Gautegiz-Arteaga: 22:12
- Kortezubi: 22:45
- Gernika-Lumo: 23:04an sartu, 00:03an atera.
- Muxika: 23:43
Martxoak 21
- Forua: 00:07
- Murueta: 00:20
- Busturia: 00:40
- Sukarrieta: 00:50
- Mundaka: 01:06
- Bermeo: 01:25
Korrikaren aplikazioari berrikuntzak egin dizkiote, eta nabarmenen artean, Korrika zuzenean jarraitzeko aukera egongo da. “Furgonetaren geolokalizazioaren bidez, korrikalariek jakingo dute Korrika aurreratuta ala atzeratuta datorren; hots, aplikazioaren erabiltzaileek une oro egiaztatu ahal izango dute nondik dabilen lasterketa”. Horrez gain, Korrikaren laguntzaileen txartela dauka eta zozketan egingo dituzte astero.
