Energia berriztagarriez ariko dira Ajangizen
Barrizar Kooperatibakoek emango dute hitzaldia, eguenean, 19:00tan Ajangizko kultur etxean. Herritarrei bertaratzeko deia egin diete antolatzaileek.
Klima aldaketaren aurrean eta argindarraren prezioak ikusita, energia berriztagarriez ariko dira Barrizar Kooperatibakoak Ajangizen, eguenean, 19:00etan, kultur etxean.
Energia berriztagarriak ulertzeko saioa eskainiko dute, energiaren kontzeptua, azalduz eta kostuen igoerari buruzko informazioa emanez. Hala, energia berriztagarrien funtzionamenduari buruz ere ariko dira, eguzki energiaz, biomasaz, aerotermiaz edota haize energiaz.
Bestalde, bakoitzaren etxean energia sortzeko aukera errealak zeintzuk diren azalduko dituzte: instalazio estandarrak, benetako kasun azterketa… Gainera instalazio bakoitza jartzeko dauden diru laguntzak zelan eskatu adieraziko dute.
Udal ordezkariek adierazi dutenez, Ajangizen komunitate energetiko bat sortzeko aukerak ere aztertuko dituzte bertaratutakoen artean, zer den, zertarako balio duen eta dituen abantailak zeintzuk diren azalduz.
Hala, herritarrei eguneko hitzaldira bertaratzeko deia egin diete antolatzaileek.
