Bizkai Buru Peñak 25. urteurrena ospatuko du zapatuan
'Hegaluze' ontzian irteera, poteoa eta herri bazkaria antolatu dituzte 25 urteko ibilbidea ospatzeko.
Bermeoko Bizkai Buru Peñak 25. urteurrena ospatuko du zapatuan. Goizean hasiko dituzte ospakizunak itsas ibilbide bat eginez, 10:45ean Hegaluze ontzian aterako dira Gaztelugatxerako ibilbidea eginez.
11:30ean, berriz, Bizkai Buru Peñaren egoitzan (Urdaibai kafetegia) batuko dira peñak eta gonbidatuak, eta ordu horretan banatuko dituzte bazkari txartelak ere.
Ondoren, trikitalariek girotuko dute 13:00etan herritik egingo duten poteoa, eta 15:00etan batuko dira Bermeoko Kafe Antzokian bazkaltzeko. Bazkaldu ostean egingo dute peñen arteko oparien elkartrukea.