Zuhaitzak landatu eta ezkurrak bilduko dituzte Undabason
Urriaren 8rako landaketa jardunaldi berri bat prestatu du Lurgaiak, eta zuhaixkak landatzera eta ezkorrak batzera joan gura dutenek aurretiaz izena eman beharko dute, info@lurgaia.org helbide elektronikora idatzita; urriaren 5a da izena emateko azken eguna.
Landaketa denboraldia hasi berritan, Lurgaiak landaketa jardunaldia prestatu du Undabason. Etorkizunean basoa izango den Undabasoko basoaren eremu berri batean egingo dituzte landaketak urriaren 8an, eta herritarrei bertaratzeko deia egin diete fundazioko kideek.
Horretarako, aurretiaz izena eman beharko da urriaren 5a aurretik, info@lurgaia.org helbide elektronikora idatzita. Bertan, izen-abizenak, adina, jatorrizko udalerria, eta kontakturako zenbaki bat zehaztu beharko dituzte interesatuek.
Zehaztu dutenez, landaketak egiteaz gain, ezkurrak batuko dituzte, eta, batutako horiekin tailer txiki bat egingo dute. Horretarako, tetrabrick garbi bat eroateko eskatu dute, “berrerabiltzeko”.
Zapatuko hitzordurako 09:00etan jarri dute hitzordua Ibarruriko Andra Mari elizako aparkalekuan, eta 13:30ak arte egongo dira Undabason.
Antolatzaileek gomendatu dute ura edo fruta eramateko, baita mendiko arropa eta oinetako erosoak eroateko ere, eguraldiaren aurreikuspenaren araberakoak.
