Ate joka datoz andramariak
Hamaiketako herrikoiak eta herri bazkariak, mus, briska zein tortilla eta paella txapelketak, erromeriak, musika kontzertuak... Askotariko eskaintzagaz datoz, beste behin, Andra Mari jaiak.
Andramariak bereziak dira Gorozika, Kanala, Murueta eta Nabarnizko bizilagunentzat. Andra Mari bezpera izanda, batzuk gaur hasiko dira egun handirako motorrak berotzen, eta, bihartik eta astelehenera arte, hamaika ekitaldiz gozatzeko aukera izango dute batekoek zein bestekoek.
Egun bereziak izango dira hurrengoak Kanalan, Gorozikan, Nabarnizen eta Muruetan, herriko jai nagusietan murgilduko baitira herritarrak. Nabarnizen ohituraz betetako jaiak dituzte, eta, tradizioari eutsiz, makailao janagaz hasiko dituzte gaur.
Bihar, egun handia izango da Busturialdeko herri txiki horietan. Hamaiketakoan elkartuko dira Gorozikako eta Nabarnizko bizilagunak, eta herri bazkarian, berriz, Kanalakoak. Arratsaldean, pala txapelketako finalerdiek hartuko dute Kanala, eta mus eta briska txapelketak izango dituzte aukeran Nabarnizen.
Hamaiketako herrikoian elkaruko dira barikuan Gorozikan, eta Txantxiku txapelketa egingo dute Nabarnizko plazan. Kanalan, zinta lasterketa eta umeen jolasek girotuko dute arratsaldea, eta pala txapelketako finala jokatuko dute gero. Kontzertuen txanda izango da iluntzea, Arteagako abesbatzaren emanaldia egongo baita, Naia, Argi eta Jasoneren kontzertuaren eta karaokearen aurretik. Musika emanaldiek ere beteko dute Nabarniz: Beraz, The Potes eta Dj Ramix ariko dira.
Mozorroen txanda izango da zapatuan, herri bazkarira mozorrotuta joango baitira nabarniztarrak, eta mozorro desfilean batuko baitira Kanalan. Gorozikan ere egun handia izango da. Inguruneak ezagutzeko ibilaldian batuko dira goizean, eta triki poteoa egingo dute ostean. Afari herrikoia ere presatu dute, eta Kittu taldea arduratuko da musikaz.
Pilota partiduen txanda izango da domekan Nabarnizen, kadete, nagusi eta profesional mailakoen partiduek beteko baitute frontoia. Profesionaletan, Etxebarria IIak Irustagaz jokatuko du Elizalde eta Iturriagaren kontra.
Kanalan, berriz, Kanala dantza taldearen ikuskizuna egongo da, eta paella eta tortilla usainez beteko da eguerdia.
Egitaraua
Gorozika (Muxika)
Bihar. Andra Mari eguna.
– 11:30. Meza nagusia.
– 12:00. Hamaiketako herrikoia eta txupinazoa.
Etzi.
– 11:30. Herriko arimen aldeko meza nagusia.
– 12:00. Hamaiketako herrikoia.
Zapatua. Irailak 10.
– 11:00. Inguruneak ezagutzeko familentzako ibilaldia.
– 13:00. Triki-poteoa.
– 18:00. Umeen jolasak.
– 21:00. Afari herrikoia.
– 23:00. Su artifizialak.
– 23:30. Erromeria Kittu taldeagaz.
– 04:00. Txokolatada.
Domeka. Irailak 11.
– 13:00. Triki-poteoa.
– 17:30. Briska Txapelketa (izen ematea: 10 euro bikoteko).
– 20:00. Txokolatea denontzat.
– 20:30. Jaiei amaiera emateko traka ikusgarria.
Kanala
Bihar. Andra Mari eguna.
– 11:00. Meza.
– 14:30. Herri bazkaria.
– 18:30. Pala Txapelketako
finalerdiak.
Etzi.
– 17:00. Zinta lasterketa eta umeen jolasak.
– 19:00. Pala Txapelketako finala.
– 20:30. Arteagako abesbatzaren emanaldia.
– 21:00. Herri afaria.
– 22:30. Kontzertua: Naia, Argi eta Jasone.
– 23:30. Karaokea.
Zapatua. Irailak 10.
– 10:30. Kalejira.
– 19:00. Mozorro desfilea.
– 21:00. Bokatak salgai.
– 22:00. Gau musikatua.
Domeka. Irailak 11.
– 11:00. Meza
– 11:30. Paella eta tortilla txapelketetarako izen ematea.
– 12:00. Kanala dantza taldearen emanaldia.
– 13:00. Hamaiketako herrikoia.
– 14:30. Paellen eta tortillen txapelketaren aurkezpena.
– 15:00. Sari banaketa.
– 18:00. Pilota partidua.
Murueta
Bihar. Andra Mari.
– 12:00. Meza.
– Ostean, ohorezko aurreskua.
– 13:00. Bola jokoa eta errifak.
Etzi, barikua.
– 12:00. Meza, hildakoen omenez.
– 13:00. Hamaiketakoa.
– 14:00. Bingoa.
– 18:00. Umeentzako jolasak.
.- 19:00. Mus arina. Izen ematea: 10 euro bikoteko.
– 22:00. Gau Argi erromeria.
– 00.30. DJ Giorgio.
Zapatua. Irailak 10.
– 11:30. Paella txapelketan parte hartzeko izen ematea.
– 13:00. Kantu kantariren musika eta kantuak.
– 14:00. Paellen aurkepena eta sari banaketa.
– 17:00. Tortilla txapelketarako izen ematea.
– 19:00.Tortillak aurkeztu eta sari banaketa.
– 21:00. Play back lehiaketa. Bi kategoria: umeenta eta nagusiena.
– Ondoren, DJ Giorgioren saio musikatua.
Domeka. Irailak 11.
– 11:30. Eliz ospakizuna.
– 12:30. Urdaibai Dantza Taldearen erakustaldia.
– 13:30. 2022ko Euskadiko aizkolari gazteen txapelketa eta aizkolaro helduen erakustaldia.
– 15:00. Jaien amaiera.
Nabarniz
Gaur. Bezperada.
– 19:30. Trikilimainak eta txupina.
– 20:00. Makailao jana, herriko tabernetan.
– 20:30. Joseba Urrutia.
Bihar. Andra Mari.
– 12:00. Meza.
– 13:00. Hamaiketako herrikoia, herriko tabernetan.
– 18:00. Mus eta briska txapelketa, txokoan.
– 20:00. Morokil jana, Nabarniz jatetxean zehar.
– 20:30. Roberto eta Idoia trikitilariak.
Etzi. Andra Mari bigarrena.
– 12:00. Meza.
– 13:00. Txantxiku txapelketa, plazan.
– 18:00. Umeen jolasak.
– 22:00. Kontzertuak: Beraz, The Potes eta DJ Ramix.
Zapatua. Irailak 10.
– 15:00. Herri bazkaria, mozorrotuta, herriko tabernetan.
– 18:00. Zirku eskola, plazan.
– 21:00. EinGo! taldea.
Domeka. Irailak 11.
– 13:00. Meza.
– 13:30. Kabelinatxe.
– 17:00. Esku pilota partiduak frontoian.
