
Euskal Jaiaren asteburuan askotariko ekitaldiak egin, eta jende asko batu da Mundakan. Marmitako txapelketa, gastronomia tailerrak umeentzat, dastaketak eta maridajeak eta bertoko produktuen salmenta egin dituzte.

KAE ligako igoera eta jaitsiera kanporaketetan hirugarren sailkatu da Busturialdea, eta, orain, TKE Ligako emaitzei itxaron behar die. Azken hilabetean estropada onak egin dituztela eta orain itxarotea besterik ez zaiela geratzen diote taldearen ordezkariek.

Errenteriako txirrindulari lasterketak goi-mailako partaidetza eta, batez ere, erritmo oso bortitza izan ditu. Baque etxeko Gorka Sorrarainek lortu du garaipena, azken ihesaldia zukutu ondoren. Iñaki Diazek eta Sinuhe Fernandezek osatu dute podiuma.

Areseko bandera irabazi du talde bermeotarrak asteburuan, denboraldiko seigarrena. Galiziako estropadetan ez da aldaketarik egon sailkapen nagusian, bermeotarrek hiru puntuko abantaila mantentzen dute.

Pello Bilbaok bere abiadura erakutsi du Alemaniako Itzuliko laugarren etapan gailentzeko. Adam Yatesek eskuratu du garaipena sailkapen orokorrean, eta Bilbaok bigarren postuan bukatu du itzulia.

Gaztelugatxera abiatu orduko, udalbatzak kalejira egin du txistulariekin.

Busturiko Sarek zapatuan zabaldu zuen busturiarra Kantabriako El Duesotik Arabako Zaballa kartzelara lekualdatu dutela.

Lointek Gernika Bizkaiak irailaren 1ean hasiko ditu aurredenboraldiko prestaketak. Ardoiren, Perfumerias Avenidaren eta Leganesen kontra jokatuko dute aurredenboraldian. Gainera, Euskal Kopan ariko dira, IDK eta Araskiren aurka.

Euskal Herriko itsas historiari buruzko erakusketa ibiltaria hartuko du Eak datorren astean, baina ez da itsasontzirik egongo.

Beste hiru hilabetez luzatu diote espetxe zigorra Pablo Gonzalez kazetari elantxobetarrari, bigarren aldiz. Errusiaren alde behar egitea leporatzen dio Poloniako fiskaltzak. Gonzalezen familiak eta bere abokatu Gonzalo Boyek ezin izan dute oraindik beragaz berbarik egin.

Bihar, gainera, marmitako txapelketa eta umeentzako talo tailerra egongo dira Mundakan bertan.