Uztailean ere odola ematera joateko deia egin du Odolkideak taldeak
Odola ematera deitu dituzte herritarrak, "beharrezkoa eta segurua" delako. Astelehenean Gernika-Lumon egongo da odola emateko autobusa, eta hilaren 27an, berriz, Bermeon.
Eman odola, nigan bizi lelopean, Osakidetzak, Euskadiko Odol Emaileak eta Eusko Jaurlaritzako Osasun Sailak odola ematera deitu ditu herritarrak, “beharrezkoa eta segurua” delako.
Udan, odol erreserbak gutxitu egiten direla gogoratu dute, eta erreserba horiek betetzeko «garrantzitsua» dela odola ematea azpimarratu dute. Hori dela eta, hamaika aukera daude horretarako: astelehenenan, 09:15etik 14:00etara eta 16:30etik 21:00etara egongo da odola emateko autobusa Gernikako Foruen plazan, eta, uztailaren 27an, Bermeoko Lameran jarriko dute, 09:30etik 13:45era eta 16:30etik 20:45era bitartean.
