Bilatu
Sartu
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Ajangiz
      • Arratzu
      • Bermeo
      • Busturia
      • Ea
      • Elantxobe
      • Ereño
      • Errigoiti
      • Forua
      • Gautegiz Arteaga
      • Gernika-Lumo
      • Ibarrangelu
      • Kortezubi
      • Mendata
      • Morga
      • Mundaka
      • Murueta
      • Muxika
      • Nabarniz
      • Sukarrieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion Agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Gaztemunduri Ateak Ireki
    • HITZAren 20. urteurrena
    • Naturan barrena
    • Euskaldunak Australian
    • Xixili
    • Adimen A.
  • Nor gara
  • Publizitatea
Sartu
Gizartea

Hamarkada bat rude izaeragaz

X. Rudelari Eguna ospatzeko bi eguneko jaialdia prestatu dute, lehenengoz. Astraz eta herriko kaleez gain, Lizeo Antzokiak ere hartuko ditu kontzertuak.

Ane Maruri Aransolo
Gernika-Lumo
2022/06/02

Hiru urteko itxaronaldiaren ostean, badator X. Rudelari Eguna. Rudelariek asko espero duten asteburua izango da oraingoa, “berezia”; izan ere, hiru urtez geldi egon eta gero, ailegatu da hamargarren urteurrena ospatzeko ordua. Horregatik, jaialdi itxura eman diote aurtengoan: bi egunez hainbat kontzertuz eta ekintzaz gozatzeko aukera edukiko dute Gernika-Lumora bertaratzen direnek.

Rudelari Eguna beti izan da reggae eszenako eragile eta lagunen topaleku bat, erreferentziazko hitzordu bat. “Gure komunitate txiki hau aktibatu duena da, harreman sareak sortarazi dituena eta hainbat proiektu interesgarriren jatorria izan dena”, adierazi dute antolatzaileek.

Aurtengo ospakizunek aurrekoek baino egun eta leku gehiago izango dituzte, izan ere, jende gehiagorengana heltzeko apustua egin dute. Bi eguneko jaialdiak Lizeo Antzokia beteko du oraingoan, eta umeentzako ikuskizuna ere egongo da, lehenengoz. “Hamargarren urteurrena ospatzeko hiru urtez egon gara esperoan; urte bi pandemiarenak izan dira, baina 2019koa ere ezin izan genuen egin arazo teknikoak tarteko”, azaldu du Ander Zearra Rudelari taldeko kideak.

Hasieran, egun bakarreko jai egitea aurreikusi zuten, baina, euren kultura eta musika herriko esparru eta jende gehiagorengana zabaltzeko helburuagaz, udalaren laguntza jaso dute: “Kultur etxeagaz elkarlanean, Lizeo Antzokia beteko dugu. Ikuslego zabalagoari eskainitako kontzertuak izango dira. Gu talde txikia gara, eta ez daukagu dirurik halako kontzertuak antolatzeko, baina kultur etxearen diru laguntzagaz Broken Brothers eta The Oldians taldeak ekarriko ditugu”.

Egitaraua ere moldatu dute, eta umeei euren lekua eskaini diete. Izan ere, zapatuan Sorgina Txirulina ipuin kontalariaren ikuskizuna egongo da, Astran: Jamaikan ska… baita Gernikan ere ipuina kontatuko dute. “Lehenengo aldiz, etxeko txikienei ere gure musikaz gozatzeko aukera eskaini gura diegu”, adierazi dute, eta, aitortu dute beste adin eta giro batzuetara egokitzea izan dela euren asmoa.

Musika kalera
Astran eta kalean ospatu dituzte orain arteko urteurrenak rudelariek, baina, oraingoan, kalean ekintza gehiago antolatzearen aldeko apustua egin dute, eta Aterpe kanpoko kontzertuekin bilatu dute hori. “Kalera ateratzeko asmoz prestatu ditugu Aterpeko kontzertuak, Gernika musikaz betetzeko asmoz, baita talde horiei ikusgarritasuna emateko helburuagaz ere”, azaldu du Aitor Iturbe taldekideak.

Kontzertu handienak, baina, Astran izango dira: The Magneto Phones eta Akatz. Lan berri bat aurkeztu dute lehenengoek kulturarako fabrika sozialean. Akatz taldekoak ere disko berria aurkezten ari dira, eta geldialdia egingo dute Gernika-Lumon: “Lagunak dira, asko lagundu digute beti, eta prestutasunez etorri izan dira behin baino gehiagotan. Euskal Herri mailan, 30 urtez aritutakoak dira, oso talde indartsua dira bilbotarrak”. Eta, amaitzeko, Apatxe Sound egongo da Ospako agertokian, jaialdia borobiltzeko.

Diotenez, Busturialdean ez dago euren moduko kolektiborik: “Gu gara horrelako musika bultzatzen dugun talde bakarretarikoak. Gazteei asko gustatzen zaien musika estiloa da, eta guk halako musika taldeak ikusteko aukera ematen dugu”.

Musika taldeen musikaz gain, rudelarien kantua entzun ahalko da asteburuan. Izan ere, hamargarren urteurrena ospatzeko kantu bat sortu dute Errementarians taldeagaz batera, Bilboko Pantx estudioan grabatuta. Esan dute letrak eta ahotsak Rudelariek egindakoak direla. “Duela hiruzpalau aste grabatu genuen kantua; gure lehenengo esperientzia izan zen. Oso ondo pasatu genuen”. Gaur aurkeztuko dute Radio Fever irratsaioan, Rudelari Egunaren bezperan. 

Kontzertuez gain, baSKAriak beteko du Astra, zapatuan. Indaba jana prestatu dute, eta bazkarirako txartelak Ospan eta @gerniska Instagram kontura idatzita lortu daitezke. Izena bihar gauera arte eman daitekeela zehaztu dute antolatzaileek.

Egitaraua
Bihar, ekainak 3
20:00. Kontzertuak, Lizeo Antzokian: The Oldians eta Broken Brothers.

Etzi, ekainak 4
12:00. Umeentzako ikuskizuna, Astran: Jamaikan Ska… baita Gernikan ere, Sorgina Txirulinaren eskutik.
13:30. Poteo Sound Sistem, Ospatik hasita.
15:00. BaSKAri. Indaba jana, Astran.
17:30. ‘Reggaean Jarrai’ proiektuaren aurkezpena.
19:30. Kontzertuak, Aterpen: Arratians eta Peñaranks. Gero, Poteo Sound Sistema, Aterpetik Astraraino.
22:30. Kontzertuak, Astran: Akatz eta The Magneto Phones.
Ostean. Apatxe Sound, Ospa tabernan.

Erlazionatutako edukia‘Reggaean Jarrai’ bilduma aurkeztuko dute etzi, Astran

Busturialdeko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Agenda

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Busturialdeko azken berrien buletina!

Buletina barikuetan bidaltzen da, eta Busturialdeko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-627 10 85 / 607 29 22 23
  • busturialdea@hitza.eus / gernika@hitza.eus
  • Elbira Iturri kalea, z/g. 48300, Gernika-Lumo
  • Publizitatea
  • 94-618 72 99 / 647 35 56 54
  • busturialdea@hitza.eus / bermeo@hitza.eus
  • Atalde 17, atzealdea. 48370, Bermeo
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.