Sollubeko mendizaleek haizeari aurre egin diote azken irteeran
Mugarrara ezin izan zuten igo "haize asko" zegoelako; hala ere, Igor Lezamiz taldeko kide ohiari omenaldia egin zioten.
Mendizaleak Mugarra atzean dutela. Argazkia: Sollube 707 Zornotza-Belatxikieta-Mugarrikolanda-Mugarra-Mañaria ibilbidea egitea zen Sollube 707 Bermeoko mendizale taldearen asmoa. Joan aurretik esan zuten eguraldiaren arabera erabakiko zutela Mugarra igo edo ez, eta azkenean, ez zuten igo. Taldeko arduradunen esanetan, Mugarrikolandara iritsi eta “haizeak gogor” jotzen zuen eta ez igotzea erabaki zuten.
Domekako irteera horretan, gainera, Sollube 707 mendizale taldeko kide izan zen Igor Lezamizi omenaldi “txiki” bat egin zioten. Mugarrako tontorrean egin gura zuten, baina haizearengandik igo ez zutenez, Mañarira heldu orduko, haizerik ez zegoen gune batean egin zioten. Txoriak Txori abestu, aurreskua dantzatu eta bertso bat ere bota zuten haren omenez. Lezamizen familiako kide bat ere egon zen eta “oso hunkituta” egon zela diote.
28 mendizalek egin zuten ibilaldia, eta “oso gustura” bueltatu zirela azaldu dute antolatzaileek.
