Martxan dago Berbalagunen neguko lehiaketa
Otsailaren 18a (barikua) izango da parte hartzeko azken eguna. 16 urtetik gorako edozein herritarrek parte hartu dezake.
Gaurtik aurrera parte hartu daiteke Bermeoko Berbalagun egitasmoaren neguko lehiaketan; otsailaren 18a (barikua) izango da parte hartzeko azken eguna.
Parte hartzea “oso erraza” dela azaldu dute antolatzaileek. Bi eratara erantzun daiteke: sarean edo paperean. Papera aukeratzen dutenek, erantzun eta gero, horren argazkia bidali ahalko dute wahatsappez 607 60 95 80 telefono zenbakira edo Euskal Gunean utzi ahalko dutela zehaztu dute, Berbalagun buzoian. Izen-abizenak eta harremanetarako telefono zenbakia edo e-posta idaztea “ez ahazteko” gogorarazi dute.
Jasotako erantzun guztien artean Bermeoko produktuekin osatutako lote bat zozkatuko dute. Otsailaren amaieran argitaratuko dituzte erantzun zuzenak Bermeoko Berbalagun egitasmoaren blogean, baita ere sariduna nor den.
16 urtetik gorako edozein herritarrek parte hartu dezake neguko lehiaketan, Berbalagun kide izan edo ez.
