Lilatoiko kamiseta eta dortsala zozkatuko ditu HITZAk
HITZAKIDE direnek parte hartu dezakete. Otsailaren 11n egingo da zozketa; irabazle bakarrak jasoko ditu dortsala eta kamiseta. Bestalde, otsailaren 20a da HITZA taldean izena emateko azken eguna.
Martxoaren 6an Donostian egingo den emakumeen lasterketagaz lankidetzan, dortsala eta kamiseta zozkatuko ditu HITZAk.
Zozketan harpidedunek, HITZAKIDE direnek parte hartu dezakete. Horretarako, webguneko zozketen atalean sartu edo 94-684 44 36 telefono zenbakira deitu behar da.
Otsailaren 11n (eguena) egingo da zozketa, 12:00etan. Irabazle bakarrak jasoko ditu dortsala eta kamiseta. HITZAk izena emateko kode bat emango dio saridunari, berak izena emango du, baina ezer ordaindu barik.
Era berean, Lilatoian HITZA taldea egongo da aurten ere, eta taldearekin parte hartu nahi dutenek telefonoz deitu (943-46 72 36) edo posta elektroniko bat idatzi behar dute (lilatoia@hitza.eus); deitzerakoan edo idazterakoan izena eman nahi den herritarraren izen-abizenak eta herria adierazi beharko dira.
HITZA taldearekin parte hartuko dutenek kamiseta bat jasoko dute opari (izena ematerakoan ze neurritako kamiseta nahi den ere zehaztu beharko da). HITZA taldean parte hartzeak ez dauka inolako kostu ekonomikorik, baina HITZA taldean parte hartzeko aurretiaz Lilatoiaren inskripzio ofiziala egin behar da. Otsailaren 20a da izena emateko azken eguna.
