Sektorean 1.200 euroko gutxieneko soldata bermatzen duen aurreakordioa sinatu dute LABek, CCOOk eta UGTk Bizkaiko kontserba eta arrain gazituen hitzarmen kolektiboan.
Erkiagak eta Zabalak irabazi dute Jai Alai Winter Series txapelketako ligaxkako lehenengo partidua. Hirugarren setean nagusi zaizkie Barandika eta Lekerika gernikarrei. Gaur gaueko partiduan ere etxeko pilotari bat ariko da; Beaskoetxeak eta Aldazabalek Arberen eta Lopezen kontra jokatuko dute.
Bertsolari gazteen Plazara! zirkuituaren lehenengo emanaldia egin dute Gernika-Lumon. Ianire Arrizabalaga eta Beñat Bilbao gernikarrak, Aissa Intxausti lekeitiarra eta Maddi Askaiturrieta bilbotarra aritu dira Lilibertsok antolatutako bertso saioan.
Uztailaren 2an katalanek eta euskal herritarrek 300 gailurretik gora argiztatuko dituzte Pirinio osoan zehar: "Farol bereziak eta linternak baliatuz, argi- lerro bat osatuko dugu Higer lurmuturretik Creusera, Atlantikotik Mediterraneora". Gure Eskuko bozeramaileek esan dutenez, "herri gogoa berpiztu nahi dute, burujabetzarako prozesu bat abiatzeko".
MusEkintza, Bizkaiko Museoetako Arte Eszenikoen lehen Jaialdiaren barruan, esperientzia berezia eskaini dute gaur, Arrantzaleen Museoan. Inprobisatutako ilustrazioen bidez, "ozeanoen kontserbazioari, kudeaketa jasangarriari eta biodibertsitatearen galera gelditzeko borrokari" buruz gogoeta egitera gonbidatu dituzte ikus-entzuleak.
Bermeon eta Gernikan irekiko ditu bulegoak otsailean, egoera ahulenean dauden etorkinei aholkularitza juridikoa emateko. Aholku Sarearen helburu nagusia da egoera ahulenean dauden etorkinei arreta ematea eta administrazio izapideak egiten laguntzea.
SnowRunning proba bat lehenengoz lehiatu berri du Izaro Egibar bermeotarrak eta, dioenez, elurretan korrika egiteko indarraren eta erresistentziaren arteko konbinazioa da garrantzitsuena. Mendi lasterketetan ari da 2020tik, eta Sorginen Lasterketa izan zen berak lehiatu zuen lehenengo mendi lasterketa.
Amaia Izarzugaza abeslari bermeotarra berria da rap munduan, eta ‘Sol y Luna’ lan berrian bere lehen rapak entzun daitezkeela dio. Abestiak, hala ere, beste etapa batean idatzitakoak dira.
Erregina Kopa jokatzeko txartela lortzeko bidean, garaipen garrantzitsua lortu du talde gernikarrak, Logroñon. Eguaztenean Leganesen kontra jokatuko du Malosten, 14. jardunaldian atzeratu zuten neurketa.
Euskadiko Odol Emaileen Elkarteak deituta, 15 egunetan ia 5.000 odol-emate lortu dituzten arren, odola ematen jarraitu behar dela dio Gernika-Lumoko Odolkideak elkarteak, "ospitaletan dauden beharrizanak betetzeko". Herritarrei odola emateko deia egin diete.
Eskaeraren arabera, otsailaren 25etik aurrera tailerragaz jarraitzeko aukera egongo dela esan du Berbalaguneko dinamizatzaileak.
Basokideak taldekoen deialdiari erantzunez, 20 bat herritar ibili dira 500 bertoko zuhaitz landare landatzen.
Holokaustoaren biktimak Oroitzeko Nazioarteko Eguna da gaur, urtarrilak 27. Jardun Koordinadorak gogora ekarri gura izan ditu kontzentrazio esparruetan "erail" zituzten euskaldunak.
Gazteen "plazaratzean eragiteko" eta beraien arteko "saretzea eta talde izaera indartzeko" helburuagaz antolatu dute Plazara bertso zirkuitua. Lehenengo saioa Gernika-Lumoko Arrano tabernan izango da, zapatuan, 18:30ean.
Altuna III- Martija eta Urrutikoetxea-Aranguren bikoteak lehiatuko dira otsailaren 4an. Partidu horren aurretik, Alberdik eta Uriondok Salaberria eta Erostarberen kontra lehiatuko dute Binakako Promozio Txapelketaren kanporaketa.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
