Bilatu
Sartu
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Ajangiz
      • Arratzu
      • Bermeo
      • Busturia
      • Ea
      • Elantxobe
      • Ereño
      • Errigoiti
      • Forua
      • Gautegiz Arteaga
      • Gernika-Lumo
      • Ibarrangelu
      • Kortezubi
      • Mendata
      • Morga
      • Mundaka
      • Murueta
      • Muxika
      • Nabarniz
      • Sukarrieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion Agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Gaztemunduri Ateak Ireki
    • HITZAren 20. urteurrena
    • Naturan barrena
    • Euskaldunak Australian
    • Xixili
    • Adimen A.
  • Nor gara
  • Publizitatea
Sartu
Kultura

Urteko erakusleiho handirik barik

Aurten ez da Urriko Azken Astelehenik egongo. Ez da jendetza batuko Gernika-Lumon, eta baserritar eta nekazariek ezingo dute aurten batutako uzta erakutsi. Udalak arduraz jokatzeko deia egin du.

Ehunka herritar batu dira Merkurion enkantea ikusteko.
Ane Maruri Aransolo
Gernika-Lumo
2020/10/23

Urriko plaza handia da Urriko Azken Astelehena. Baserritarren erakusleihoa. Astelehenean, urriko azkenean, baina, Gernika-Lumoko kale eta txokoak ez dira jendez beteko. Beste herri handi batzuetan legez, ez da azoka handirik egongo.

Urriko Lehen Astelehenean abeltzainek ezin izan zituzten jendaurrean aurkeztu euren ganaduak. Astelehenean ere, baserritarrek ezingo dituzte erakutsi jaso berri dituzten uztak. Erakusleiho handirik barik geratu dira.
Iaz, 310 postutan euren produktu onenak erakutsi zituzten nekazari eta artisauek, eta 110.000 pertsona bildu ziren horiek ikusi eta dastatzera. Udal arduradunek jende pilaketa hori saihesteko eta segurtasuna bermatu asmoz hartu dute azoka ez ospatzeko erabakia. Iñaki Gorroño udal arduradunaren berbetan, “egoerara egokitu” beharra dago: “Ekitaldi jendetsuak egiteko behar diren baldintzak ez dira betetzen”. Arduraz jokatzeko deia egin du Gorroñok, eta jaiak ez egiteko helburuagaz bat egiteko eskatu die herritarrei: “Aurten ez delako ezer ospatu behar”.

COVID-19ak markatutakoa urte zaila izaten ari da baserritarrentzat, eta ulertzen dute udalak hartutako erabakia. Hala ere, horrelako ohitura zaharrak ez egitea “pena” handia dela diote. Hori berretsi du Jacqueline Txerdudi baserritarrak. Urteak daramatza Urriko Azken Astelehenean bere produktuak saltzen: “Azoka tradizio handia da, eta falta egiten du. Baina, aurten, egoera dena da, eta ulertzen dut erabakia”. Jendeak astelehenean zerbait berezia egingo zuten edo ez galdetzen zion Txertudiri, baina urtero azokara joan ohi izan den jendetza ikusita, uste du hori kontrolatzea “ezinezkoa” litzatekeela: “Jendetza batzen da, eta ezinezkoa da aforoa kontrolatzea”.

Sabin Aranburu Maumeko artzainak gaztetatik egiten ditu gaztak. Busturialdean Idiazabal gazta ekoizten duen bakarra da. Azoka ez egiteak baserritar askori eragingo diela dio: “Nekazari askori eragingo die. Urtero gaztaren 70 postu inguru egoten dira, eta gehienek ondo saltzen zuten. Aurten, gazta hori ezin izango dute askok saldu”.

Salerosketak
Urriko Azken Astelehena Bizkai, Araba eta Gipuzkoako azokarik “onena” dela dio: “Duda barik. Asko saldu izan dugu guk. Beti 150 gazta baino gehiago saltzen ditugu, eta gehiago eramanez gero, gehiago salduko genukeela uste dut. Gazta asko saltzen den produktua da”.

Txertudiren salmahaian Gernika eta bere inguruetan landaturiko denetariko ortuariak aurkitzen ziren. Azokan, baina, ez zuela askorik saltzen dio: “Proportzionalki, lan egindako orduak eta saldutakoak ikusita, azokan egotea ez dela eraginkorra esango nuke”. Hala ere, etorkizunean erostera animatuko diren bezeroak erakartzeko aprobetxatzen dute azoka. “Erakusleiho bikaina da, baserritarren lana aintzat hartzen duen azoka handia. Plaza horrek kontaktuak egiteko balio du, jende berria ezagutzeko eta bezeroak aurkitzeko. Ekoizten duzuna azaltzen duzu, zer daukazun. Urtero egiten dira bezeroak”.

Norberaren bezeroak
Asteleheneko urriko azken azokan saldu ohi dituztenak ez dituzte salduko, baina euren bezeroak “fidelak” direla diote biek ala biek. 

Duela hamabi urtetik Gernikako Merkatu Plazan astelehenero egoten da Aranburu, eta Durangora ere joaten da zapatuetan. Bere bezeroek ondo erosi dutela dio, baita bezero berriak egin dituela ere: “Asko saldu dugu aurten. Produktu asko atera ditugu, inoiz baino gehiago. Ez dakit Facebookagatik edo jendeak bertokoa gehiago kontsumitzeko erabakia hartu duelako izango den”. Asteleheneroko azokan jende gutxiago dagoela, baina gehiago saldu duela esan du: “Beste urteetan baino jende gutxiago dabil, baina ondo saldu dugu. Baserritarrak pozik daude”.

Txertudi ez da egoten Merkatu Plazan, Urriko Azken Asteleheneko eta Santo Tomaseko azoketan bakarrik egoten da. Horiez gain, bezero propioak ditu, eta horiek mantendu ditu: “Hala ere, nabaritu da koronabirusaren eragina, jendeak ez du lehengo beste erosten. Asko lan barik geratu dira, eta erosketak murriztu dituzte”. Norbanakoetan ez dela galera askorik egon onartu du, baina jatetxeak diren bezeroak ditu, eta horien eskaera dela murriztu dena nabarmendu du: “Jatetxeetara ez doa horrenbeste jende, aforoak murriztu dituzte, eta produktuen eskaeran nabaritzen da hori”.

Azokak murrizterakoan euren lana itzalean geratzen dela uste dute baserritarrek. Izan ere, euren lana balioan jartzeko balio dute horrelako plazek. “Gure lana ez ikustea da azokarik ez egiteak daukan gauzarik txarrena. Jende askok ez daki zelako lana den gurea. Eta ez da txantxa bat. Ez da zortzi orduko lana egin eta lasaitzea edo atseden hartzea. Ez. Ez da asteburuetan jai izatea. 10 edo 15 orduz lan egiten dugu lan egin behar denean, eta ez dugu opor egunik izaten. Guretzat denak dira lan egunak”, aitortu du Aranburuk.

Busturialdeko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Agenda

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Busturialdeko azken berrien buletina!

Buletina barikuetan bidaltzen da, eta Busturialdeko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-627 10 85 / 607 29 22 23
  • busturialdea@hitza.eus / gernika@hitza.eus
  • Elbira Iturri kalea, z/g. 48300, Gernika-Lumo
  • Publizitatea
  • 94-618 72 99 / 647 35 56 54
  • busturialdea@hitza.eus / bermeo@hitza.eus
  • Atalde 17, atzealdea. 48370, Bermeo
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.