Sarean egiteko eskulan tailerra prestatu dute Kortezubin
Maiatzaren 30ean egingo dute, eta maiatzaren 27a baino lehen izena emateko eskatu dute.
Eskulanak egiteko batu ezin direnez, sarean elkartuko dira Kortezubiko umeak. Meet plataformaren bitartez eskulan tailerra egingo dute maiatzaren 30ean, zapatuan; 19:00etan jarri dute hitzordua.
Familian egiteko tailerra da, eta hiru eta zazpi urte bitarteko umeek guraso batekin parte hartu beharko dutela adierazi dute. Adin horretatik gorakoek, berriz, bakarrik ere parte hartu dezakete.
Tailerrean izena emanteko, erabiliko dituzten materialen berri izateko edota argibide gehiago jasotzeko, hurrengo telefono zenbakira deitzeko edo Whatsapp bidez mezua bidaltzeko eskatu dute: 665 70 35 86. Maiatzaren 27a baino lehen idazteko eskatu dute.
Hori eginda, Kortezubiko Online Ekimenak whatsapp taldean gehituko dituzte izena emandakoak. Ekimen bakoitzaren hasiera baino 5 minutu lehenago, Meet aplikazioaren gela birtualera sartzeko lotura partekatuko dute bertan, tailerrari bertatik ekiteko.
