Berakatz Zopa TV, lapikotik etxera
Busturialdeko hainbat proiektu, espazio, eragile eta norbanakoren artean, Berakatz Zopa TV instagram kontua sortu dute. Konfinamendua arintzeko egitarau zabala prestatu dute, eta saioak euren instragram kontutik jarraitu ahalko dira streaming bidez. Gustu eta adin guztientzako egokia den egitaraua prestatu dutela diote.
Busturialdeko kultur taldeek konfinamendua arintzeko agenda kulturala osatu dute. Berakatz Zopa TV instagram kontua airean dago dagoenerako, eta hurrengo bi asteetarako errezeta “gozo-gozoa” prestatu dute. Berakatz zoparen errezetagaz hasi ziren atzo.
“Busturialdeko hainbat proiektu, espazio, eragile eta norbanakoren artean osatu dugu Berakatz Zopa TV “, diote antolatzaileek, eta berrogeialdia beste modu entretenigarriagoan eramateko egin dutela azaldu dute. Hori horrela, gustu eta adin guztientzako egokia den egitaraua prestatu dute. Besteren artean, bertso saioak, kontzertuak, olerkiak, sukaldaritza ikastaroak, kirol entrenamenduak edota zirku tailerrak ikusi ahalko dira streaming bidez.
Saio guztiak ikusgai. Saio guztiak Berakatz TV instagram kontutik emitituko dira: “Segitu berakatz usaina”. Gaur gaurkoz, bi astetako egitaraua dute, baina saioak gehitzen joango direla diote. Hala, herritarrei parte hartzeko deia egin diete, eta bertan egon gura dutenek info@astragernika.net helbide elektronikora mezua bidali beharko dute.
“Eskerrik asko bihotzez zuen alea jartzen zabiltzanei eta parte hartzen animatu zaretenoi. Zuek barik eztau!”
