Bilatu
Sartu
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Ajangiz
      • Arratzu
      • Bermeo
      • Busturia
      • Ea
      • Elantxobe
      • Ereño
      • Errigoiti
      • Forua
      • Gautegiz Arteaga
      • Gernika-Lumo
      • Ibarrangelu
      • Kortezubi
      • Mendata
      • Morga
      • Mundaka
      • Murueta
      • Muxika
      • Nabarniz
      • Sukarrieta
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritzia
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion Agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Gaztemunduri Ateak Ireki
    • HITZAren 20. urteurrena
    • Naturan barrena
    • Euskaldunak Australian
    • Xixili
    • Adimen A.
  • Nor gara
  • Publizitatea
Sartu
Kultura

"Abestiak lehen baino gehiago barneratu ditugu, kanta bakoitzari bere doinua bilatu diogu"

‘Hotz egin duen arren’ izeneko bigarren diskoa aurkeztu du Belatz talde gernikarrak. Zortzi kantuz osatutako lan plurala da, hainbat estilo desberdin jorratu dituzte-eta. 'Surikatoak' abestiaren bideoklipa ere kaleratu dute gaur.

Argazkia: Txebi Arriaga
Ane Maruri Aransolo
Gernika-Lumo
2019/09/26

Belatz talde gernikarrak Hotz egin duen arren izeneko bigarren lana aurkeztu du gaur Bilboko Euskararen Etxean. 2015ean hirukote modura hasi, eta apurka-apurka haziz joan den taldea da. Gaur gaurkoz, bost dira taldekideak eta batera landutako bigarren lana ezagutarazi dute, Denboraren esklabu deitutakoari jarraipena ematen diona. Gaur gainera, Surikatoak singlelaren bideoklipa aurkeztu dute.

Musikagaz ondo pasatzeko asmoagaz sortu zuten taldea duela lau urte, eta euren gustuko musika egiten jarraitzeko asmoa dute aurrerantzean. Hala, zortzi kantuz osatutako lana da gaur ezagutarazi duten Hotz egin duen arren. 

Kaleratutako zortzi kantu horiekin barruan gordeta dutena erakutsi dute taldekideek, hainbat estilotan jorratutako diskoa eraikiz. “Ez gara estilo bakarrera mugatzen. Bost taldekide gara, eta doinu eta erritmo desberdinak batuz sortutako nahasketa da disko hau. Estilo asko entzuten ditugu eta horietatik sortzen dira kantuak”, aitortu du Asier Zabala taldeko abeslariak.

Rocka landu dute gehienbat, baina rockarekin uztartutako pop eta elektronika ukituak dituzten kantuak ere entzun daitezkeela diote taldekideek. Zertzeladak dira, diskoari indarra emateko balio dutenak, eta hainbat abestitan nabaritzen dira. Hala, lehenengo lanak baino kolore gehiago dituen diskoa dela aitortu du Ibon Bilbao taldekideak: “Lehenengo diskoa leunagoa zen. Abesti batetik bestera ez ziren doinu aldaketak asko nabaritzen, baina oraingoan bai. Kolore gehiago nabaritzen dira, eta hori, estudioan Urtzigaz egindako lanari esker lortu dugu”.

Kantuak gehiago landu dituztela diote, eta horiekin esperimentatu ere egin dutela: “Abestiak lehen baino gehiago barneratu ditugu, kanta bakoitzari bere doinu propioa bilatzeko ahaleginak egin ditugu. Horregatik atera dira horren abesti desberdinak”.

Estilo aniztasuna duen diskoa den arren, taldekideen ukitu “pertsonala” ere badaukala adierazi du Endika Elizagak: “Genero asko landu ditugu baina abestiei gure esentzia ematen diegu, eta horretan jarraitu gura dugu”. Genero asko landu arren, disko homogeneoa da, “indarra duelako”. 

gaur aurkeztu dute diskoa Bilboko Euskararen Etxean. Argazkia: Azkue Fundazioa

Taldearen bizipenak. Taldea sortu zutenetik gaur egunera arte izandako aldaketak presente eduki dituzte musikariek. Bizipenak islatu gura izan dituzte euren letretan, bai eta izenburuan ere. “Estreinakoz aritu ginen batera Banden Lehiaren finalean, aldaketa asko izan ditugu taldean, eta horren adibidea da izenburua”, aitortu dute. Hala, momentu gogorrei aurre egin eta euren lana publikatzea lortu dutela diote: “Urteetan hainbat gorabehera izan ditugun arren gogotsu jarraitzen dugu, aurrera egiteko gogoz”.

Letrekin barruak hustu dituzte. Norberak barruan zeramana kaleratu dute. Argiagoak edo ilunagoak, lasaiagoak edo gogorragoak, beroagoak edo hotzagoak… denetariko sentimentuak jorratzen dituzte euren abestiek. “Norberak barruan daukana kontatzen dute. Ez gara kanpoko gauzetaz ari, norberari gertatzen zaizkion kontuez baino”, adierazi du Zabalak.

Bizkaierari lekua. Euskara Batuan zein Bizkaieraz ari dira diskoan. Ritxi Aizpuru Baga Biga diskoetxeko koordinatzaileak gauza “polita bezain erakargarria” dela hori dio: “Bi modu horietan hizkuntza uztartzeko erraztasuna izatea, oso aberasgarria da. Balioa eman diote bizkaierari, oso naturala eta polita da”. Taldekideek, gainera, batera zein bestera abesterakoan oso gustura daudela aitortu dute.

Kolaboratzaileak ere izan dituzte, eta euren lana asko erraztu dutela onartu dute. Diskoa Urtzi Izak (Enkore, Empty Files) ekoitzi du, eta horren ondorioz, taldeak “asko eboluzionatu” du. “Gurekin jotzen eta aritu diren musikariek asko lagundu digute, indarra eman diote diskoari”. Besteren artean, Ane Guria edota Santra Tejerok parte hartu dute.

“Kolore eta doinu asko nabaritzen dira diskoan; aurreko
lana leunagoa zen”

Banden Lehian eskuratutako saria. Azkue Fundazioak antolatutako Banden Lehia irabazi zuen iaz talde gernikarrak. Lehiaketak 10 urteko ibilbidea bete du, eta ez dutela aurton berriz antolatuko jakinarazi zuten. Hala, euskaraz sortzen den musika babesteko, bultzatzeko, eta proposamen berrieei aurrera pausoak emateko laguntzeko lehiaketaren azken garaileak izan dira gernikarrak.

“10 urtetan 300 talde baino gehiagok parte hartu dute, eta 40 finalista izan ditugu. Lan horren aztarna utzi gura dugu, eta egindakoa gogoratzeko Banden Lehiaren webgunean bilduma bat sortu dugu 40 finalista horien kantu bana argitaratuz”, adierazi du Azkue Fundazioko ordezkariak.

Urte luzeetan egindako lanagaz euskal sortzaileen artean proposamen ezberdin eta aberasgarriak badaudela adierazi dute fundaziokoek: “Hasierako rock eta metal klasikoetatik abiatuta, bidean beste estilo batzuk ere aurkitu ditugu: elektronika, progresiboa, rap-a…  2019 urte honetan esan dezakegu euskaraz sortzen den musika bizirik dagoela, eta estilo eta ideia ezberdinak batzen dituela”.

Busturialdeko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Agenda

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Bizkaiko Diputazioak zerga neurri guztiak onartzea espero du, sozialistekin edo «beste alderdiren batekin»

Busturialdeko azken berrien buletina!

Buletina barikuetan bidaltzen da, eta Busturialdeko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-627 10 85 / 607 29 22 23
  • busturialdea@hitza.eus / gernika@hitza.eus
  • Elbira Iturri kalea, z/g. 48300, Gernika-Lumo
  • Publizitatea
  • 94-618 72 99 / 647 35 56 54
  • busturialdea@hitza.eus / bermeo@hitza.eus
  • Atalde 17, atzealdea. 48370, Bermeo
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.